الداعى اپتادا ححح جازعى وليمپيادا ويىندارى باستالادى. تورتكۇل دۇنيەنىڭ ەڭ ۇزدىك سپورتشىلارى سايىسقا تۇسەتىن بايراقتى باسەكەنى بۇگىندە بۇكىل الەم جانكۇيەرى تاعاتسىزدانا كۇتىپ ءجۇر. ويتكەنى, وليمپيادا ويىندارى – ەلدىكتىڭ, ەرلىكتىڭ كورسەتكىشى بولماق.
ۇلىبريتانيا استاناسى لوندون الاڭدارىندا وتەتىن الامان جارىستاردا قازاقستان سپورتشىلارى دا ەل نامىسىن قورعاۋعا تاس-ءتۇيىن دايىندىق جۇرگىزۋدە. وليمپيادا ويىندارىندا 115 قازاقستاندىق سايىپقىران سايىسقا تۇسپەك. ولاردىڭ قاتارىندا 16 استانالىق سپورتشى بار. ءدۇبىرلى دوداعا جولداما العان وسى قىز-جىگىتتەرىمىزدىڭ قايسى بولسا دا جۇلدەگە ۇمىتكەر دەپ ويلايمىز.
ەلىمىز تاۋەلسىزدىك العالى وليمپيادا ويىندارىنا قاتىسقان ءۇش ەلوردالىق سپورتشى جۇلدەگە قول جەتكىزگەن ەكەن. اتاپ ايتقاندا, 1996 جىلى اۋىر اتلەت اناتولي حراپاتىي, 2004 جىلى بوكسشى گەننادي گولوۆكين, 2008 جىلى دزيۋدوشى اسحات جيتكەەۆ وليمپيادا ويىندارىنىڭ كۇمىس جۇلدەگەرى اتانعان.
جانكۇيەر قاۋىم ءۇشىن ەل نامىسىن ارقالاعان ەلوردالىق سپورتشىلاردى اتاپ وتكەندى ءجون كوردىك.
ءىلياس سۇلەيمەنوۆ – 1990 جىلى تۋعان, سپورت شەبەرى,بوكس, 52 كگ;
قانات ابۋتاليپوۆ – 1983 جىلى تۋعان, قازاقستاننىڭ ەڭبەك سىڭىرگەن سپورت شەبەرى, بوكس, 56 كگ;
دانيار ەلەۋسى نوۆ – 1991 جىلى تۋعان, حالىقارالىق دارەجەدەگى سپورت شەبەرى, بوكس, 64 كگ;
مارينا ۆولنوۆا – 1989 جىلى تۋعان, حالىقارالىق دارەجەدەگى سپورت شەبەرى, ايەلدەر بوكسى;
اننا اليابەۆا – 1993 جىلى تۋعان, حالىقارالىق دارەجەدەگى سپورت شەبەرى, كوركەم گيمناستيكا;
المات كەبىس باەۆ – 1987 جىلى تۋعان, قازاقستاننىڭ ەڭبەك سىڭىرگەن سپورت شەبەرى, گرەك-ريم كۇرەسى, 60 كگ;
تيمۋر بولات – 1989 جىلى تۋعان, حالىقارالىق سپورت شەبەرى, دزيۋدو, 90 كگ;
جۇلدىز ەشيموۆا – 1988 جىلى تۋعان, قازاقستاننىڭ ەڭبەك سىڭىرگەن سپورت شەبەرى, ايەلدەر كۇرەسى, 48 كگ;
ولگا دوۆگۋن – 1970 جىلى تۋعان, قازاقستاننىڭ ەڭبەك سىڭىرگەن سپورت شەبەرى, ۆينتوۆكامەن وق اتۋ;
ايگەرىم جەكسەمبينوۆا – 1993 جىلى تۋعان, حالىقارالىق دارەجەدەگى سپورت شەبەرى, سينحروندى ءجۇزۋ;
پاۆەل يلياششەنكو – 1990 جىلى تۋعان, حالىقارالىق دارەجەدەگى سپورت شەبەرى, قازىرگى بەسسايىس;
رۇستەم سابيرحۋزين – 1978 جىلى تۋعان, سپورت شەبەرى, قازىرگى بەسسايىس;
ياروسلاۆا شۆەدوۆا – 1987 جىلى تۋعان, حالىقارالىق دارەجەدەگى سپورت شەبەرى, تەننيس;
گالينا ۆوسكوبوەۆا – 1984 جىلى تۋعان, حالىقارالىق دارەجەدەگى سپورت شەبەرى, تەننيس;
ميحايل كۋكۋشكين – 1987 جىلى تۋعان, حالىقارالىق دارەجەدەگى سپورت شەبەرى, تەننيس;
ەكاتەرينا رۋدەنكو – 1994 جىلى تۋعان, حالىقارالىق دارەجەدەگى سپورت شەبەرى, ءجۇزۋ.
سونىمەن, 27 شىلدە كۇنى لوندون تورىندە ححح جازعى وليمپيادا ويىندارىنىڭ الاۋى تۇتانادى. ەلدىك نامىسىمىزدى قورعايتىن سايىپقىراندارىمىز قازاقستان تۋىن بيىكتەن جەلبىرەتىپ كەلەدى دەپ سەنىممەن قارايمىز.
