ەلباسى استانا قالاسىنىڭ اكىمى يمانعالي تاسماعامبەتوۆتى قابىلدادى

ي.تاسماعامبەتوۆ مەملەكەت باسشىسىن ەلوردانىڭ الەۋمەتتىك-ەكونوميكالىق دامۋى, سونداي-اق ينۆەستيتسيالىق جوبالار مەن نەگىزگى مەملەكەتتىك باعدارلامالاردىڭ جۇزەگە اسىرىلۋ بارىسى جونىنەن حاباردار ەتتى.

قازاقستان پرەزيدەنتى استانانىڭ ءوز-ءوزىن قامتاماسىز ەتۋ دەڭگەيى ءوسىپ كەلە جاتقانىنا جانە وعان جۇمسالعان قاراجاتتىڭ ايتارلىقتاي تيىمدىلىگى بايقالاتىنىنا نازار اۋداردى.

ي.تاسماعامبەتوۆ ينۆەستيتسيا, قۇرىلىس, قىزمەت كورسەتۋ جانە ساۋدا سياقتى سالالاردىڭ دامۋىندا وڭ قارقىن بار ەكەنىن ايتتى. قالا اكىمى رەسپۋبليكالىق بيۋدجەتتەن ترانسفەرتتەلەتىن قارجى كولەمى شاھاردىڭ ءوز كىرىسىنىڭ مولايۋى ەسەبىنەن ازايىپ كەلە جاتقانىن دا اتاپ ءوتتى.

مەملەكەت باسشىسى كەزدەسۋ قورىتىندىسى بويىنشا بىرقاتار ناقتى تاپسىرمالار بەردى.