ەلباسى كىتاپحاناسى – ەلوردالىق بالالار ۇيىندە
كەشە ەلباسى كىتاپحاناسىنىڭ قىزمەتكەرلەرى استانا قالاسى اكىمدىگىنىڭ بالالار ۇيىنە باردى. وندا بالالاردى قورعاۋ كۇنىنە وراي ارنايى كەزدەسۋ وتكىزىلىپ, تاربيەلەنۋشىلەرگە ەرەكشە كوڭىل ءبولىندى.
شارانى «قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسى» مەملەكەتتىك مەكەمەسىنىڭ «تۇڭعىش» باستاۋىش پارتيا ۇيىمى «نۇر وتاننىڭ» «باقىتتى بالالىق شاق» جوباسىنا قولداۋ رەتىندە ۇيىمداستىردى. پارتيا مۇشەلەرى وسى تەكتەس ءىس-شارالار ارقىلى جەتىم بالالار ماسەلەلەرىنە جۇرتشىلىق نازارىن اۋدارۋدى كوزدەپ وتىر.
ەلباسى كىتاپحاناسى «بار
جاقسىلىق – بالالارعا» اكتسياسى اياسىندا بالالار ءۇيى تاربيەلەنۋشىلەرىمەن الداعى ۋاقىتتا دا بايلانىستى ۇزبەۋگە مۇددەلى. مەكەمە تەك ماتەريالدىق كومەك ۇسىنۋدى ەمەس, ولاردىڭ رۋحاني-مادەني تاربيەسى مەن دامۋىنا ىقپالداسۋدى جۇمىس جوسپارىنا ەنگىزىپتى.
ءىس-شارانىڭ ءمان-ماڭىزى تۋرالى پىكىر بىلدىرگەن «تۇڭعىش» باستاۋىش پارتيا ۇيىمىنىڭ حاتشىسى قۇرالاي شايكەنوۆا بىلاي دەدى: «مەملەكەت باسشىسى, «نۇر وتان» پارتياسىنىڭ توراعاسى نۇرسۇلتان نازارباەۆ ساياساتىنىڭ وزەگى قوعامدىق كەلىسىم, ىزگىلىككە ۇندەۋ ەكەنى بەلگىلى. ءبىز وسىناۋ قادامىمىزبەن قوعامدا رۋحاني قۇندىلىقتار باعالانا تۇسۋىنە ءۇن قوسقىمىز كەلدى».
سونداي-اق, كەلۋشىلەر بالالار ءۇيىنىڭ جاي-كۇيىمەن تانىستى. تاربيەلەنۋشىلەرمەن رەسمي ءجۇزدەسۋدەن بولەك پىكىرلەسىپ, اڭگىمە-دۇكەن قۇردى. جالپى, ۋاقىت وتكەن سايىن بالالار ءۇيى تۇرعىندارىنىڭ سانى ازايىپ كەلە جاتقانى ايتىلدى.
كىتاپحانا قىزمەتكەرلەرى بالالار ۇيىنە سپورتتىق كيىمدەر, سپورتتىق ويىندار قاجەتتىلىكتەرى مەن ەلباسى تۋرالى كىتاپتار سىيعا تارتتى.
تالعات سادىقۇلى