جاڭالىقتار

ەلباسى قۇرىلىس الاڭدارىن ارالادى

كەشە مەملەكەت باسشىسى نۇرسۇلتان نازارباەۆ كوپفۋنكتسيونالدى «تالان تاۋەر» جانە «ءابۋ-دابي پلازا» كەشەندەرىنىڭ جانە «جاسىل كۆارتال» تۇرعىن ءۇي كەشەنىنىڭ قۇرىلىس الاڭدارىندا بولىپ, جۇرگىزىلىپ جاتقان جۇمىستاردىڭ بارىسىمەن تانىستى. 

«تالان تاۋەر» كوپ فۋنك­تسيونالدى كەشەنى جوباسىنا 157 ورىندىق قوناقۇي, اۋدانى 8300 شارشى مەتر ساۋدا گالەرەياسى جانە ا سىنىپتى بيزنەس-ورتالىق پەن تۇرعىن جايلار كىرەدى. نىسان قۇرىلىسىن 40-تان اسا مەردىگەرلىك ۇيىم اتقارىپ وتىر. مۇندا قازاقستاندا تۇڭعىش رەت كوپتەگەن «جاسىل» تەحنولوگيالار – «جاسىل» شاتىر, ەنەرگيانى ۇنەمدەيتىن جەدەلساتىلار, ەنەر­گيانى ساقتاۋشى اينەكتەر, جاڭبىر سۋىن قايتا پايدالانۋ قوندىرعىسى قولدانىلۋدا. سونداي-اق, پاركينگ جانە ەلەكتروموبيلدەرگە ارنالعان زاريادتاۋشى ستانسالار,
ارناۋلى ورىندار, ۆەلوسيپەد­شى­لەرگە ارنالعان كيىم شەشەتىن جانە جۋىناتىن بولمەلەر بولادى.
ال «ءابۋ-دابي پلازا» كەشەنى – ءتۇرلى ماقساتتاعى بلوكتاردان قۇ­رالعان كوپ فۋنكتسيونالدى ءزاۋلىم عيمارات. اتاپ ايتقاندا, وعان كەڭ­سەلەر, قوناقۇي جانە تۇرعىن ءۇي كەشەنى كىرەدى. قۇرىلىستىڭ جالپى اۋدانى – 500 مىڭ شارشى مەتر.
«جاسىل كۆارتال» كەشەنى جوباسى ەنەرگيا ساقتاۋدىڭ جاڭا تەحنولوگيالارىنا نەگىزدەلگەن. 20 گەكتاردان استام اۋماقتا كوپ قاباتتى ۇيلەر, كەڭسە عيماراتتارى, پاركينگ, سونداي-اق, سۋبتروپيكالىق ميكروكليماتى, ەكزوتيكالىق دەندروساياباعى بار شاعىن كول, بيوكۇمبەزدى مادەني جانە الەۋ­مەتتىك ينفراقۇرىلىم نىساندارىن سالۋ جوسپارلانعان.
مۇندا سۋعارىلمايتىن لاندشافت جۇيەسىمەن قاتار «قالدىق سۋدى» كوممەرتسيالىق عيماراتتاردا قايتا پايدالانۋ جانە قوقىستى ورتالىقتاندىرىلعان جيناۋ جۇيەسى, «اقىلدى» اۆتوتۇراق ءجۇ­يەسى, ۆەلوسيپەدتەردى قويۋعا ار­نال­عان ورىندار مەن ەلدەگى ەلەكترمەن زاريادتايتىن العاشقى تولى­ق­قاندى ستانسا قاراستىرىلعان.
مەملەكەت باسشىسى نىساندار قۇرىلىسشىلارىمەن اڭگىمەلەسىپ, اتقارىلىپ جاتقان جۇمىستار ءجو­نىندە تولىققاندى مالىمەت الدى.

امانعالي قالجانوۆ

تاعىدا

ۇقساس جاڭالىقتار

پىكىر ۇستەۋ

Back to top button