استانادا ەلەكتروموبيلدەرگە ارنالعان قۋات ستانسالارىنىڭ ينۆەستيتسيالىق جوباسىن ازىرلەۋ قولعا الىندى. جوبانى «قازمۇنايگاز ونىمدەرى» جشس جۇزەگە اسىرادى.
«ەكسپو-2017» ينفراقۇرىلىمدىق نىساندار سەكتورىنىڭ باسشىسى اسقار ادامبەكوۆتىڭ ايتۋىنشا, قالادا ەلەكتروموبيلدەرگە قىزمەت كورسەتەتىن ءۇش ستانسا سالۋ كوزدەلىپ وتىر. سونىمەن قاتار, قازىرگى بەس جانارماي قۇيۋ ستانساسىندا ەلەكتروموبيلدەرگە ارنالعان قۇرىلعىلار ورناتۋ جوسپارلانعان.
جوبالاۋشىلاردىڭ سوزىنە قاراعاندا, ستانسالار اۆتونومدى رەجيمدە, جەرگىلىكتى ەلەكتر جەلىلەرىنەن تاۋەلسىز جۇمىس ىستەيدى. جاڭالىقتىڭ ءبىر ەرەكشەلىگى, ولار فوتوەلەكتر مودۋلدەرىنىڭ نەگىزىندە ىسكە قوسىلادى.
جوبادا ەلوردا اۋماعىندا ەلەكتروموبيلدەرگە ارنالعان ىلەسپە ينفراقۇرىلىمى بار قۋات بەرۋ بەكەتتەرى جەلىسىن اشۋ قاراستىرىلعان.
نەگىزگى ماقسات – باس قالادا ەلەكتروموبيلدەردى پايدالانۋدى ناسيحاتتاپ, كوپشىلىككە تاراتۋ, وسى كولىكتەرگە ارنالعان قۋات بەرۋ ينفراقۇرىلىمىن دامىتۋ بولىپ وتىر.
جۇما عازيەۆ
