قالا تىرشىلىگى

ەلەكتروندىق اكىمدىك. 25-26 قىركۇيەك

سىرعىتتپا جاۋاپ سانيتاريانىڭ سورى

 

 

 

 

كوممۋنالدىق قىزمەتتەر ءتىپ­تەن ۇيالۋدى قويدى. ونى جاۋىردى جابا توقىمداعان جاۋابىنان بىلە بەرىڭىز. شاعى­مىمىزعا «كون­تەي­­نەرلەردىڭ ورنا­لاسۋى ساني­­تا­ريالىق نورمالارعا ساي جانە اتالعان ۋچاسكەدەگى تۇرمىس­تىق قال­­دىقتاردى جيناۋعا جەتكىلىكتى. بۇعان قوسا, مەردىگەرلىك مەكەمەگە قو­قىس­تى جيىرەك شىعارىپ تۇرۋعا كەڭەس بەرىلدى. ال, قوقىس توگىلەتىن شۇڭقىر ماسەلە­سىنە كەلسەك, اتالعان ۋچاسكەدە ينجە­نەرلىك جەلىلەر ءجۇر­گىزىلگەندىكتەن, جەر قازۋعا رۇقسات ەتىلمەيدى» دەگەن شىعا­­رىپ­سالما, ارزىمايتىن جاۋاپ بەرەدى. ول جەردە ينجەنەرلىك جەلى بولۋى مۇمكىن ەمەس. راس بولسا, ناق­تى قان­داي جەلى جۇرگىزىلگەنى ءجو­نىندە رەسمي اقپارات بەرىڭىزدەر. جاۋىن-شاشىن بولسا, كۇل-قوقىس كول­كىپ شىعا كەلەدى. اياق الىپ ءجۇرۋ مۇمكىن ەمەس. سىلتاۋمەن سىتىلا بەرمەي, ابدەن توزىعى جەت­كەن كون­تەي­نەرلەردى جاڭارتىپ, ساني­تاريالىق نورماعا ساي (اسفالت توسەپ, جان-جاعىن قورشاپ) جاساق­تاۋعا بولماس پا؟ مىنا فوتودان باسقا قانداي ايعاق كەرەك سىزدەرگە؟

ريزابەك ايتاليپوۆ

تابيعي رەسۋرستار جانە تابيعاتتى  پايدالانۋدى رەتتەۋ باسقارماسى:

– جوعارىدا كورسەتىلگەن مەكەن جايعا قوقىس كونتەي­نەرلەرىن ورناتۋ جونىندەگى ءوتىنىش كەلەسى كەزەڭدەگى جوبالاۋدا ەسكەرىلەدى. بيۋدجەتتىك قارجىلاندىرۋعا بايلانىستى ول 2014 جىلى جۇزەگە اسىرىلادى.

 ونلاين ارقىلى بيلەت ساتۋ ويعا كەلمەي ءجۇر مە؟

ەلوردا تۇرعىنى رەتىندە مەنى «نەگە ءبىزدىڭ قالادا ءالى كۇنگە مادەني ءىس-شارالارعا ينتەرنەت, تەر­مينال نەمەسە باسقا موبيلدى قۇرىل­عىلار ارقىلى بيلەت ساتىپ الۋ ءمۇم­كىندىگى جوق؟» دەگەن سۇراق مازا­لايدى. بارلىق دامىعان ەلدەردە بيلەتتى ينتەرنەت ارقىلى ساتۋ جول­عا قويىلعان. كەيدە ۋاقىت تاپ­شى­­لى­عىنان قالا­مىزداعى كونتسەرت, قويى­لىم­داردان, كور­مەلەردەن قۇر قالىپ جاتامىز. ەگەر مادەنيەت باسقار­ماسى مۇن­داي جۇيەنى ەنگىزۋگە شاماسى جەت­پەسە, وسى سالا بويىنشا مامان­­دان­عان شەتەلدىك كومپانيانى شا­قىر­­سىن. وسى دا ويعا كەلمەي ءجۇر­گەنىنە تاڭعالامىن. ال ەگەر قولعا الساڭىز­دار, قاشان ىسكە قوسىلاتى­نىن حاباردار ەتسەڭىزدەر.

قانات

مادەنيەت باسقارماسى:

قازىرگى تاڭدا «اتامەكەن» قازاقستان كارتاسى» ەتنو-مەموريال­دىق كەشەنى» مقك بيلەتتى ەلەكتروندى تۇردە ساتۋدىڭ قاناتقاقتى جوباسىن باستادى. 2014 جىلعا تامان مادەني-كوپشىلىك شارالارعا ەلەكتروندى بيلەت ساتۋعا جاپپاي كوشۋدىڭ العاشقى كەزەڭىن باستاۋ جوسپارلانىپ وتىر. سونىمەن قاتار, بارلىق مادەني جاڭالىقتار مەن شارالار تۋرالى قۇلاعدار ەتەتىن ءارى بيلەتتى مەكەن جايعا دەيىن جەتكىزىپ بەرەتىن قىزمەتى بار www.koncertyastany.kz سايتى جۇمىس ىستەيتىنىن قاپەرىڭىزگە سالامىز

 باعدارشام بۇرىلتپاي تۇر وڭعا, سولعا…

 

 

 

 

جاڭا وقۋ جىلى باستالىسىمەن قالا كوشەلەرىندەگى كولىك قوزعالىسى قيىنداپ كەتتى. مىسالى, ابىلاي حان داڭعىلىنان رەسپۋبليكالىق ۇلان اسكەري بولىمشەسىنە بۇرىلاتىن تۇستاعى باعدارشامدا باعىتتايتىن قوسىمشا سەكتسيا بولماعاندىقتان, بەتپە-بەت كەلىپ قالعان جاياۋ جۇرگىنشىلەر مەن كولىكتەر سوقتىعىسىپ قالا جازدايدى. كەيدە اسىققاننىڭ ارتى اپاتقا اكەپ سوعىپ جاتادى. ءوزىم دە جاقىندا بىرەۋدى ابايسىزدا جازىم قىلا جازدادىم. اسىرەسە, تاڭەرتەڭگىلىك تاياۋ جەردەگى №37 مەكتەپكە بالاسىن تاسىعان اتا-انالاردىڭ كولىگى اعىلعاندا, قيىلىستاعى كەپتەلەكتەن 10-15 مينۋت دەگەندە زورعا شىعامىز. باعدارشامعا قوسىمشا سەكتسيا ورناتۋلارىڭىزدى نەمەسە كوك شامنىڭ جانۋ ۋاقىتىن بۇرىلىپ ۇلگەرۋگە مۇرشا بەرەتىندەي قىپ ۇزارتۋلارىڭىزدى سۇرايمىز.

كارينا ەرماكوۆا

جولاۋشىلار كولىگى جانە اۆتوموبيل جولدارى باسقارماسى:

باعدارشامدى كۇشەيتىپ, جانۋ رەگلامەنتىن وزگەرتۋ مۇمكىن ەمەس. ويتكەنى, ونى استانا قالا­لىق جول پوليتسياسى باسقارماسى جولداعى كەپتەلەكتى بولدىرماس ءۇشىن ارنايى بەكىتىپ بەرگەن.

سارىبۇلاقتىڭ اقبۇلاقتان نەسى كەم؟

 

 

 

 

ەسىلدىڭ ءبىر ساعاسى – سارى­بۇلاق­تىڭ جاعالاۋىنا تابانجول سالۋىن سالعانمەن, قاسىنداعى ۇيلەرمەن بايلانىستىرىلماعان. اسفالتقا ءتۇسۋ ءۇشىن اۋدەم جەردى اينالاسىڭ, ەرىن­گەندەر, اسىرەسە, مەكتەپ جاسىنداعى بالالار قارا جەرمەن توتەسىنەن كەسىپ وتە سالادى. تاباندارىنا بالشىق جابىسىپ, ايناداي جولدى بۇلدىرەدى كەلىپ. ەسىلدىڭ, تىم بولماسا, اقبۇلاقتىڭ جاعالاۋىنداعىداي قىلىپ تابان جول توسەپ, اباتتاندىرىپ قويۋعا نە كەدەرگى؟ الدە شەتتەگىلەرگە وسى دا جەتەدى دەپ قويا سالدىڭىزدار ما؟ سارىبۇلاقتىڭ اقبۇلاقتان نەسى كەم؟

تەمىرلان تىلەنباەۆ

 قۇرىلىس باسقارماسى:

استانا قالاسى قۇرىلىس باسقارماسى «سارى­بۇلاق ارناسىن رەكونسترۋكتسيالاۋ. 1-كەزەك, №1 ۋچاسكە» نىسانى بويىنشا تاپسىرىس بەرۋشى بولىپ تابىلادى. قازىرگى تاڭدا اتالعان نىساندا قۇرىلىس-مونتاج جۇمىستارى ءجۇرىپ جاتىر. 30 قازانعا دەيىن تولىقتاي بىتۋگە ءتيىس. قولدا بار مالىمەت بويىنشا جوبالىق-سمەتالىق قۇجاتتا تۇرعىن ۇيلەرمەن جالعايتىن تابانجولدار مەن باسپالداقتار قاراستىرىلماعان. سەبەبى, سارىبۇلاق ارناسىن رەكونسترۋكتسيالاۋدى جوبالاعان كەزدە اتالمىش اۋداندا ەشقانداي تۇرعىن ءۇي كەشەنى بولعان جوق.

 

 

 

 

 

 

 

 

 

 

 

 

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button