قالا تىرشىلىگى

ەلەكتروندىق اكىمدىك

باحيلا ساتىپ الا بەرەتىندەي باي دەيسىزدەر مە؟

دەنساۋلىق ساقتاۋ مەكەمەلەرىنىڭ باحيلا ءۇشىن 20 تەڭگە اقى الاتىنى زاڭدى ما؟ مىسالى, ءاليا مول­داعۇلوۆا 28ا مەكەن-جايىن­داعى №1 ەمحاناعا قاراستى ايەل­­­دەرگە مەديتسينالىق كەڭەس بەرۋ ورتالىعىندا, رەسپۋبليكا داڭ­عىلىنداعى تەرى-سوز اۋرۋ­لا­رىنىڭ ديسپانسەرىندە وسىلاي. ال قان ورتالىعىندا تەگىن تاراتىلادى. مۇنىسى قالاي؟ باحيلا ساتىپ الا بەرەتىندەي باي دەيسىزدەر مە؟ جالپى, بۇعان قانداي قۇجاتتىڭ نەگىزىندە رۇقسات ەتىلىپ وتىر؟ مەكەمەنىڭ ىشكى بۇيرىعى نەمەسە دەنساۋلىق ساقتاۋ باسقارماسىنىڭ بۇيرىعى بار ما؟

دارينا ايساكوۆا

ءوتىنىش 11 شىلدەدە ءتۇسىپ, 13 كۇندە جاۋاپ بەرىلدى

قۇزىرەتتى مەكەمە نە دەيدى؟
دەنساۋلىق ساقتاۋ باسقارماسى:
مەديتسينا قىزمەتكەرلەرىنىڭ باحيلا كيۋ ماسەلەسى قر ۇكىمەتىنىڭ 2012 جىلعى 17 قاڭتارداعى «دەنساۋلىق ساقتاۋ مەكەمەلەرىنىڭ سانيتارلىق-ەپيدەميولوگيالىق تالاپتارىن بەكىتۋ تۋرالى» №87 قاۋلىسىمەن انىقتالعان. دەنساۋلىق ساقتاۋ باسقارماسىنا قاراستى مەكەمەلەرگە كەلۋشىلەردەن مىندەتتى تۇردە باحيلا ساتىپ السىن دەپ تالاپ ەتپەيمىز. بىراق ستاتسيونارعا بارعاندا, تازالىق ءۇشىن ەكىنشى اياق كيىم الۋىڭىز كەرەك. ەمدەۋ مەكەمەلەرى باحيلا ساتپايدى. ونى ساتۋمەن قارجى باسقارماسىمەن جالداۋ كەلىسىم-شارتىن جاساسقان كاسىپكەرلەر اينالىسادى.

كوشەمىزگە «كولىك جۋعىشتار» كوز سالىپ ءجۇر

بىزدەر وڭتۇستىك-شىعىس اۋ­دانىن­داعى مۇقان تولەباەۆ جانە جانكەنت كوشەلەرىنىڭ قيىلىسقان جەرىندە 10 جىلدان بەرى تۇرامىز. ءتورت جىل بۇرىن الماتى جاقتان ءبىر ازامات كەلىپ, كوشەمىزدىڭ ورتاسىنان كولىك جۋ كەشەنىن سالامىن دەپ ءبىراز تالاپتانعان. جەر باسقارماسىنان ادامدار اكەلىپ ولشەتىپ, قادا قاعىپ قورشاپ تاستادى. ارتىنان اكىمدىك قۇرىلىستى دوعارىپ تاستادى. بيىل 3 مامىردا تاعى بىرەۋ كەلىپ, «جانكەنت كو­شەسىندەگى №3, 4, 6 ۇيلەردىڭ قاق ورتاسىنان كولىك جۋاتىن ورىن سالامىن. قولىمدا مەملەكەتتىك اكتىم بار» دەپ كەتتى. بىزدەر ەسىگىمىزدىڭ الدىن قۇرىلىس الاڭىنا اينالدىرۋعا قارسىمىز. كوشە تارىلىپ قالسا, قالاي ءجۇرىپ-تۇرامىز؟
ارحات ەسقاليەۆ

ءوتىنىش 28 مامىردا ءتۇسىپ, 20 كۇندە جاۋاپ بەرىلدى

قۇزىرەتتى مەكەمە نە دەيدى؟
ساۋلەت جانە قۇرىلىس باسقارماسى:
اتالعان جەرگە قۇرىلىس سالۋعا رۇقسات ەتىلمەگەن.

بالامنىڭ ساۋلىعى تۋعالى بەرى تەكسەرىلمەدى

اقپان ايىندا كىشكەنتايلى بولىپ ەدىم. ءوزىمىز استانا قالاسىنان 20 شاقىرىم جەر­دەگى اۋىلدا تۇرامىز. ال ءسابيىمنىڭ تىركەۋى سارىارقا اۋدانى, سارىقۇم كوشەسىندە. اۋەزوۆ كوشەسى بويىنداعى قالالىق بالالار ەمحاناسىنا بارىپ قارالۋعا ءوتىنىپ ەدىك, ول ءۇشىن قالادا تۇراقتى تۇرعىلىقتى مەكەن-جايلارىڭ بولۋى كەرەك دەپ قايتارىپ جىبەردى. ال, اۋىلداعى ەمحانا اقمولا وبلىسىنا قارايدى. ونداعى دارىگەرلەر ەشتەڭە بىلمەيدى. جاي عانا تىركەي سالدى. بالامنىڭ ساۋلىعى تۋعالى بەرى تەكسەرىلمەدى, قاجەتتى ۆاكتسينالارى ەگىلگەن جوق.
قاناعات نۇربول

ءوتىنىش 24 ماۋسىمدا ءتۇسىپ, 2 كۇندە جاۋاپ بەرىلدى

قۇزىرەتتى مەكەمە نە دەيدى؟
دەنساۋلىق ساقتاۋ باسقارماسى:
قازاقستان رەسپۋبليكاسى ۇكىمەتىنىڭ 2011 جىلعى 1 قاراشاداعى №1263 قاۋلىسىنا سايكەس, ازاماتتاردىڭ ەمحاناعا تىركەلۋى تۇراقتى نەمەسە ۋاقىتشا تۇرعىلىقتى مەكەن-جايى, جۇمىس, وقۋ ورنى بويىنشا ءوتىنىش بەرۋ ارقىلى جەكە باسىن كۋالاندىراتىن قۇجاتتىڭ (جەكە كۋالىگى, تۋ تۋرالى كۋالىگى جانە ت.ب.) نەگىزىندە جۇزەگە اسىرىلادى. بالاڭىزدى ناقتى تۇرىپ جاتقان مەكەن-جايىڭىز بو­يىنشا اۋماقتىق بالالار ەمحاناسىنا تىركەپ, تەگىن مەديتسينالىق كومەك الۋىڭىزعا بولادى. بالاڭىزعا كورسەتىلەتىن كەپىلدەندىرىلگەن تەگىن مەديتسينالىق قىزمەتكە قاتىستى بارلىق سۇراقتار بويىنشا اقمولا وبلىسى, تسەلينوگراد اۋداندىق ەمحاناسى باس دارىگەرىنىڭ ەمدەۋ ءىسى جونىندەگى ورىنباسارى اسەمگۇل جىلقىباەۆاعا نەمەسە اۋداندىق پەدياتر اننا يانكوۆاعا حابارلاسا الاسىز. (تەل: 87165131303)

ميرزويان-ماناتاۋ – سمەتادان كەتكەن ءبىر اقاۋ

2012 جىلدان بەرى جولاۋشىلار كولىگى جانە اۆتوموبيل جولدارى باسقارماسىنىڭ تاپسىرىسىمەن «قاراوتكەل» اۋدانىنىڭ ب.مومىشۇلى – ل.ميرزويان – ب.مايلين – م.جۇماباەۆ ارالى­عىنداعى كوشەلەرى مەن گۇلزارلارى اباتتاندىرىلىپ جاتىر. بىراق ميرزويان مەن ماناتاۋ قيىلىسى ودان تىس قالدى. جوندەۋشىلەر ءدال وسى بولىك جوباعا قوسىلماعان دەپ اكىمدىككە سىلتەيدى. انادان-مىنادان سۇراي كەلە ۇققانىم – ءبىزدىڭ كوشە شىعىن سمەتاسىنا قاتەلەسۋ سالدارىنان ەنبەي العان. ەندى جوندەلە قويۋى ەكىتالاي. بۇل ماسەلە تەك جولاۋشىلار كولىگى جانە اۆتوموبيل جولدارى باسقارماسىنىڭ باستىعى ر.امانجولوۆتىڭ ارالاسۋىمەن شە­شىلەدى ەكەن.
قارجاۋباي نۇرماعامبەتوۆ

ءوتىنىش 29 مامىردا ءتۇسىپ, 15 كۇندە جاۋاپ بەرىلدى.

قۇزىرەتتى مەكەمە نە دەيدى؟
جولاۋشىلار كولىگى جانە اۆتوموبيل جولدارى باسقارماسى :
بيىل قالامىزدىڭ بىرنەشە كوشەلەرىندە جول جوندەۋ جۇمىستارى جۇرگىزىلىپ جاتىر. ىشكى ورامدارداعى جولداردى اسفالتتاۋعا اقشا بولىنگەن جاعدايدا ماناتاۋ كوشەسىن جوندەۋگە جىلدىڭ ەكىنشى جارتىسىندا كىرىسەمىز.

مەكەن-جايىمىزعا جاقىن مەكتەپكە بارعىمىز كەلەدى

قىزىم №22 ورتا مەكتەپتەن ءبىرىنشى سىنىپتى ءبىتىردى. قازىر جاڭا جەرگە قونىس اۋىستىردىق. ەندى مەكەن-جايىمىزعا جاقىن مەكتەپكە بارعىمىز كەلەدى. قىزىمدى ەكىنشى سىنىپتان باستاپ №1مەكتەپ-ليتسەيگە بەرۋىمە بولا ما؟
يۋليا

ءوتىنىش 23 ماۋسىمدا ءتۇسىپ, 3 كۇندە جاۋاپ بەرىلدى

قۇزىرەتتى مەكەمە نە دەيدى؟
ءبىلىم بەرۋ باسقارماسى:
قر ۇكىمەتىنىڭ 2012 جىلعى 19 اقپانداعى №127 قاۋلىسىمەن بەكىتىلگەن «ءبىلىم بەرۋ مەكەمەلەرىنە قابىلداۋ ەرەجەسى» بويىنشا توڭىرەكتە, ياعني سول مەكتەپتىڭ ميكرواۋدانىندا تۇراتىن وقۋشىلاردى قابىلداۋى ءتيىس. ەگەر مەكەن-جايىڭىز №1 مەكتەپ-ليتسەيگە قارايتىن بولسا, بالاڭىزدى وقۋعا ورنالاس­تىرا الاسىز.

ادىلبەك جاپاق

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button