جاڭالىقتار

ەلەكتروندىق اكىمدىك

القا-سالقا كولىكپەن ادام تاسيدى

وكىنىشكە قاراي, قالالىق مەدي­تسي­نالىق جەدەل جاردەم ستانساسى ساپالى قىزمەت كورسەتۋگە ءمان بە­رۋ­دەن قالدى. 22 مامىردا, تۇنگى ساعات 1:20 شاماسىندا بولعان جە­دەل جاردەم ماشيناسىنىڭ (مەم­لەكەتتىك ءنومىرى – Z118CC, بورت ءنومىرى – 41) جول- كولىك اپاتىنان ءدارى­گەر مەن مەدبيكە, سونداي-اق, 1981 جىلعى ۇلىم ا.س. عابباسوۆا قات­تى زارداپ شەكتى. كولىك قاتتى سوق­تى­عىلىسقاندا, باسىن كابينا مەن سالوننىڭ ور­تاسىنداعى مە­تالل دالداعا قاتتى ۇرعانى سون­داي, الگى جەر مايىسىپ قالدى, ءوزى مايىپ بولا جازدادى. كەلەسى كۇ­نى كو­لىكتىڭ ءىشىن كورىپ, جاعامدى ۇس­تا­­دىم. ەدەنى مەن ورىندىقتارى جى­­رىم-جىرىم, ءىلىنىپ تۇراتىن قۇ­­رىل­­عىلار جەردە جايراپ جاتىر, كو­­لىكتىڭ تەمىرى ابدەن توتتانعان, جا­­نىن­داعى ەسىگىنىڭ ىشكى جاعى جۇم­ساق ماتە­ريالمەن قاپتالماعان. سوندا وسىنداي القا-سالقا كولىك­پەن قالاي ادام تاسيسىزدار؟
سىرىم عابباسوۆ

ءوتىنىش 28 مامىردا ءتۇسىپ, 11 كۇندە جاۋاپ بەرىلدى.

قۇزىرەتتى مەكەمە نە دەيدى؟
دەنساۋلىق ساقتاۋ باسقارماسى:
قازىر قالالىق مەديتسينالىق جەدەل جاردەم ستانساسىنىڭ بالانسىندا 76 سانيتار اۆتوكولىگى بار. ولاردىڭ جارتىسىنا جۋىعى, دالىرەك ايتساق, 48 پايىزى توزعان. ون شاقتىسى جوندەۋگە دە كەلمەيدى. استانا قالاسىنىڭ تۇرعىندارىنا تولىققاندى قىزمەت كورسەتۋ ءۇشىن كۇن سايىن 77 بريگادا ۇزدىكسىز جۇمىس ىستەۋى كەرەك. كولىك جەتپەگەسىن, 62-64 بريگادانى عانا جاساقتاۋ مۇمكىن بوپ وتىر. سول سەبەپتى, ارا-تۇرا ەسكى كولىكتى دە پايدالانۋعا تۋرا كەلەدى. جىل اياعىنا قاراي 13 اۆتوكولىكتى رەسپۋبليكالىق بيۋدجەت ەسەبىنەن, التاۋىن قالالىق بيۋدجەت ەسەبىنەن ساتىپ الىپ, اۆتوپاركىمىزدى جاڭارتساق, الگى ايتقان سانيتار كولىگىن جارامسىز دەپ تاۋىپ, قولدانىستان شىعارۋ ويىمىزدا بار.

«جول-پول» جوق بەلگى ءۇشىن ءجونسىز سوقتىقتى

24 ساۋىردە, ۇمىتپاسام كەشكى ساعات 8-9 شاماسىندا قابانباي باتىر داڭعىلى بويىنان جول پوليتسياسى توقتاتىپ, قۇجاتتارىمدى كورسەتۋىمدى سۇرادى. «قانداي نەگىزدە توقتاتتىڭىزدار؟» دەپ قار­سى سۇراق قويدىم. ويتكەنى, تاياق­شاسى جانبادى, ىسقىرىعى قالتا­سىندا, ونىمەن قويماي, ءدال «قاز­مۇنايگازدىڭ» تۇبىندەگى كوپىر­گە وتەر جەردەن توقتاتىپ تۇر. «جول كولىك ەرەجەسىن بۇزدى­ڭىز, «تىيىم سالىنعان» دەگەن بەل­گىنى ەلە­مەستەن ءبىرىنشى جولاق­تان تىكە ءجۇر­دىڭىز» دەدى. «تاڭەر­تەڭ جوق ەدى, كەشكە دەيىن قويىپ ۇلگەر­­دىڭدەر مە؟» دەپ تاڭىرقاي قوي­­عان سۇراعىما «جول-پول» قىز­مەت­كەرى دورەكى ءتىل قاتا باستادى. بول­­ماعان سوڭ, ەرىنبەي بارىپ, الگى جەردە ەشقانداي دا بەلگى جوق­تى­عىنا كوز جەتكىزىپ كەلدىم دە, بۇل­­تارت­پاس دالەل بولۋ ءۇشىن مىنا ۆي­دەونى ءتۇسىرىپ الدىم: )http://www.youtube.com/watch?v=-SFJs15CH1Y ). جەتون ءنومىرى – Z 348, كولى­گىنىڭ مەملەكەتتىك ءنومىرى – M 192 DON. ين­سپەك­توردىڭ اتى-ءجونى – جار­قىن­باەۆ اسقار اليايدارۇلى.
مەدەت توت

ءوتىنىش 25 مامىردا ءتۇسىپ, 10 كۇندە قارالدى

قۇزىرەتتى مەكەمە نە دەيدى؟
ءىىب جپب:
ءسىزدىڭ شاعىمىڭىزدى استانا قالاسى ءىىب-نىڭ جول پوليتسياسى باسقارماسى قاراستىرىپ, اتالعان فاكتى بويىنشا قىزمەتتىك تەكسەرىس باستادى. جاعدايدى ءادىل, جان-جاقتى قاراستىرۋ ءۇشىن جەتىگەن كوشەسى, 16 ۇيدە ورنالاسقان جول كۇزەتى بولىمشەسىنە, №16 كابينەتكە كەلىڭىز.

دۇڭگىرشەك يەسى قۋلىققا باستى, ال, سەس جاۋاپكەرشىلىكتەن قاشتى

«وربيتا» ساۋدا ۇيىنە تاياۋ, پەتروۆ كوشەسىن­دەگى №1 ءۇيدىڭ ىرگەسىندەگى سانيتارلىق نورمالاردى وركەسكەل بۇزىپ وتىرعان «كۋرى گريل» جىلجى­مالى دۇڭگىر­شەگىنە قا­تىستى شارا قولدا­نۋ­لارى­ڭىزدى وتىنەمىن. ءدۇڭ­گىر­­­شەك ورنالاسقان جەر استانا قالاسى اكىم­دىگىنىڭ قاۋ­لى­­سىمەن بەكىتىلگەن ساۋ­دا ورىندارىنىڭ ءتىزى­مىندە جوق. 28 مامىردا الماتى اۋدانى اكىمدى­گى­نىڭ قىزمەت­كەرلەرى الىپ تاستا­عىسى كەلىپ ەدى, يەسى «ءبىر كۇن­نىڭ ءىشىن­دە ءوز ەركىم­مەن الامىن» دە­گە­سىن, جايىنا قالدىردى. الايدا, قۋلىققا باستى, كۇندىز جاۋىپ تاس­تايدى دا, ساۋداسىن كەش­قۇرىم قىزدى­راتىندى شىعاردى. الگى دۇڭگىر­شەكتەن ساتىپ العان تاماعىن ادامدار تۋرا ءبىزدىڭ ءۇيدىڭ كىرەبە­رىسىندە وتىرىپ جەيدى. قاعاز مايلىق, تەمە­كى­نىڭ تۇقىلى شاشىلىپ جا­تادى, ءتىپتى, كەيبىر ۇيات­تان بەزگەن­دەرى ۇلكەن ءدا­رەت­­تەرىن وسىندا وتەي­تىنىن قايتەرسىڭ. ءتۇسىر­گەن شا­عى­مىمىزدان تۇك شىق­پادى. قالالىق سەس ساني­تارلىق نورمالار كورىنەۋ بۇزىلىپ, ينفەك­تسيالىق اۋرۋ تاراتۋ قاۋپى ءتونىپ تۇرسا دا, كاسىپ­كەرلىك تۋرالى زاڭنىڭ تالابىنا سۇيەنىپ, تەكسەرە الماي­تىن­دىعىن مالىمدەدى. پو­­لي­­­تسيانىڭ تىرەك-ءبو­لىم­­­­شەسىندەگىلەر «ساۋدا جا­ساۋ­­عا رۇقساتى بار» دەپ شا­را قول­دانۋدان باس تارت­تى, ال, كاسىپكەرلىك ءجا­­­نە ونەركاسىپ باسقارماسى­نىڭ اتىنان جاۋاپ بەرگەن ج. بەسكەم­پىروۆا بيىل ەش­قانداي رۇقسات بە­رىل­مە­­گەن­دىگىن جازىپ, ءىىب-گە سىلتەيدى. سوندا مۇنى­مەن كىم اينالىسادى؟
ىسقاق قۇلاتاي

ءوتىنىش 31 مامىردا ءتۇسىپ, 8 كۇندە ورىندالدى. 

قۇزىرەتتى مەكەمە نە دەيدى؟
«الماتى» اۋدانىنىڭ اكىمدىگى:
الماتى اۋدانى اكىمدىگىنىڭ ماماندارى پەتروۆ كوشەسى, №1 ۇيدەگى «دونەر» جانە «كۋرى گريل» دۇڭگىر­شەكتەرىن الىپ تاستاتقىزدى.

باباتايۇلىن جوندەيتىندەر بارسىڭدار ما؟

«كوكتال-1» شاعىن اۋدا­نىنداعى دۋلات با­با­­تايۇلى كوشە­سىنىڭ كوپ-كورىم اسفالتتالعان جو­لى بار ەدى, ءجون­دەي­مىز دەپ باستادى دا تاس­تادى. ءبىزدىڭ اۋداندى قا­دا­­عا­لايتىن ينسپەكتور ءادىلحان جولداسباەۆ تۇر­­عىنداردىڭ ارىز-شا­­عىمىنا سەلت ەت­­پەيدى, «ەرتەڭ-ەرتەڭ­مەن» توي­عىزىپ كەلەدى. كوك­تەمگى, كۇزگى جاۋىن-شاشىندا تاياق تاس­تام جەردەگى دۇكەنگە بارىپ-كەلۋدىڭ ءوزى مۇڭ. كولىكتى جۋدىڭ-جۋما­دىڭ – ءبارىبىر لاس بولا­دى. جول جوندەۋ جۇ­مىس­تارى كەزىندە جانىن­داعى قارا جولعا تىم بول­ماسا قيىرشىق تاس, قۇم توكسە دە بولار ەدى.
ولگا سۋسلوۆا

ءوتىنىش 6 مامىردا ءتۇسىپ, 4 كۇندە جاۋاپ بەرىلدى.

قۇزىرەتتى مەكەمە نە دەيدى؟
جولاۋشىلار كولىگى جانە اۆتوموبيل جولدارى باسقارماسى:
قارجىلاندىرۋعا قاراي وسى جىلدىڭ ەكىنشى جارتىسىندا باباتايۇلى كوشەسىن اسفالتتاۋ جالعاستىرىلادى.

لاگەر دەپ ابىگەر بوپ جاتىرمىز 

ءوزىم اتا-انا ءارى مۇعا­لىم­مىن. سىزگە قويار سۇرا­عىم – مەك­تەپ جانىنداعى لا­گەرگە مەملەكەت تا­را­پىنان قارجى ءبو­لىنە مە؟ وعان قان­داي بالالار بارا الادى؟ لاگەر دەپ ابىگەر بوپ جاتىر­مىز. مەكتەپ اكىم­شىلىگى «ءار سىنىپ­تان 15 بالادان شى­­عا­را­سىڭدار, ءايت­­پەسە, دە­مالىسقا شىق­­پاي­­سىڭ­دار» دەپ مۇ­عا­لىم­دەر­گە قا­تاڭ تالاپ قويىپ­تى. بالا باسىنان 2500 تەڭ­گە­دەن جي­نال­عان قار­جى­نى باس­تاۋىش ءبىلىم بە­رۋ جونىندەگى مەڭ­گە­رۋشى قال­تاسىنا جىم­­قىرادى دەگەن قاۋە­سەت تاعى بار. مەك­تەپ تارا­پى­نان بۇ­رىندارى لاگەر­گە قا­عاز, قالام, ويىن­­شىق­تار ءبولىنۋشى ەدى, كەيىنگى 5-6 جىل ەش­­تەڭە كورمەيمىز.
ناعيما

ءوتىنىش 6 مامىردا ءتۇسىپ, 4 كۇندە جاۋاپ بەرىلدى.

قۇزىرەتتى مەكەمە نە دەيدى؟
ءبىلىم بەرۋ باسقارماسى:
جازعى دەمالىس كەزىندە بالالار مەن جاسوسپىرىمدەردىڭ دەمالىسى, ساۋىقتىرىلۋى جانە ەڭبەكپەن قامتىلۋى – ەڭ ماڭىزدى الەۋمەتتىك ماسەلەلەردىڭ ءبىرى. ەلوردامىزدا 3 ماۋسىمدا 1-4 سىنىپ وقۋشىلارىنىڭ بوس ۋاقىتىن قىزىقتى وتكىزەتىن 66 مەكتەپ جانىنداعى لاگەر ءوز جۇمىسىن باستادى. ول لاگەرلەرگە مەملەكەت تاراپىنان قاراجات بولىنبەيدى, تەك قانا جەتىم, اتا-اناسىنىڭ قامقورلىعىنسىز قالعان, از قامتىلعان وتباسىنان شىققان بالالاردىڭ تاماقتانۋىنا جەرگىلىكتى بيۋدجەتتەن قارجى قاراستىرىلادى. ال, قالعان باستاۋىش سىنىپ وقۋشىلارى اقىلى تۇردە ءوز ەركىمەن, اتا-اناسىنىڭ رۇقساتىمەن دەمالىپ, ساۋىعا الادى. بيىل مەكتەپ جانىنداعى لاگەرلەردە تاماقتانۋ قۇنى كۇنىنە 240-260 تەڭگەنى قۇرايدى.

دايىنداعان: ادىلبەك جاپاق

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button