باستى اقپاراتجاڭالىقتار

ەلوردا اكىمدىگىندە Smart Astana جوباسىن ىسكە اسىرۋ ماسەلەلەرى تالقىلاندى

4d9e4ed29ed0a4a6611f9fcd69c

استانا اكىمى اسەت يسەكەشەۆ پەن قر اقپارات جنە كوممۋنيكاتسيالار ءمينيسترى داۋرەن اباەۆ Smart Astana جوباسىن ىسكە اسىرۋ ماسەلەلەرىن تالقىلادى.

«مەملەكەت باسشىسىنىڭ تاپسىرماسىمەن «اقىلدى قالا» ارنايى باعدارلاماسى ازىرلەنەدى. ماقساتى – قالالىق قىزمەتتەردىڭ جۇمىسىن بەلسەندىرۋ جانە قايتا قۇرۋ, ياعني ولاردىڭ قىزمەتىنىڭ تيىمدىلىگىن ارتتىرۋ; حالىق پەن بيزنەسكە ساپالى قىزمەت كورسەتۋدى قامتاماسىز ەتۋ; ينفراقۇرلىمنىڭ ۇيلەسىمدى جانە ناقتى جۇمىسىن ۇيىمداستىرۋ. ءتيىستى جۇمىستار ەڭ الدىمەن حالىقتى مازالايتىن سالالاردا قولعا الىنباق. اتاپ ايتقاندا, كولىك, ءبىلىم, مەديتسينا, تكش جۇيەسى جانە ت.ب.», – دەدى اسەت يسەكەشەۆ.

ءوز كەزەگىندە, مينيستر داۋرەن اباەۆ حالىق وزگەرىستەردى بىردەن سەزىنەتىندەي جوبالاردى ءبىرىنىڭ سوڭىنان ءبىرىن قولعا الۋ كەرەك ەكەندىگىن اتاپ ءوتتى. جۇمىستار مەكتەپكە دەيىنگى مەكەمەلەردەن, كولىك كوممۋنيكاتسيالار سالاسىنان باستالماق.

كەزدەسۋدىڭ قورىتىندىسى بويىنشا تاراپتار «Smart Astana» جوباسىن ىسكە اسىرۋ بويىنشا جۇمىس توبىن قۇرۋ تۋرالى كەلىستى. ارنايى ازىرلەنگەن تۇجىرىمداما بويىنشا ساندىق قوعامدى قۇرۋ بويىنشا جوبالار كەزەڭ-كەزەڭمەن ەنگىزىلەتىن بولادى. العاشقى جوبالار مەكتەپكە دەيىنگى ءبىلىمدى, دەنساۋلىق ساقتاۋ مەن كولىك سالالارىن قامتيدى.

بىرلەسكەن جۇمىستارعا قر يدم تەحنيكالىق رەتتەۋ كوميتەتى, يننوۆاتسيالىق تەحنولوگيالار پاركىنىڭ الماتى كلاستەرلىك قورى (يتپ اكق), سونداي-اق, دامۋ ينستيتۋتتارى, سونىڭ ىشىندە «زەردە» حولدينگى, «تەحنولوگيالىق دامۋ جونىندەگى ۇلتتىق اگەنتتىك» اق (تدۇا) تارتىلادى. كومپانيالار ستاندارتتاۋ, يننوۆاتورلارمەن جۇمىستى ۇيىمداستىرۋ, ساندىق تەحنولوگيالاردى ەنگىزۋ جانە استانادا يننوۆاتسيالىق جوبالاردى قارجىلاندىرۋ ماسەلەلەرى بويىنشا بارلىق قاجەتتى كومەكتى كورسەتۋگە نيەت ءبىلدىرىپ وتىر.

انىقتاما:

«SmartAstana» تۇجىرىمداماسىمەن «استانا Innovations» اق اينالىسادى. قازىرگى كەزدە «Smart مەكتەپ», «Smart ەمحانا», «Smart كوشەنى جارىقتاندىرۋ», «Smart payments», «Smart tickets», «Smart tracking», استانانىڭ ينتەللەكتۋالدى بايلانىس ورتالىعى جۇزەگە اسىرىلدى.

وتكەن جىلى جوعارىدا اتالعان جوبالاردىڭ بەسەۋى ينۆەستورلاردىڭ قارجىسى ەسەبىنەن جۇزەگە اسىرىلدى. جوبالاردىڭ ابسىم بولىگى پورتال مەن «SmartAstana» قوسىمشاسىنا بىرىكتىرىلدى.

بۇگىنگى تاڭدا 63 مىڭنان استام ەلوردا تۇرعىن اتالعان موبيلدىك قوسىمشانى جۇكتەگەن. ونىڭ ەرەكشەلىگى جەدەل حابارلامالاردىڭ كەلىپ ءتۇسۋ جانە «استانا-109» بايلانىس ورتالىعىنا ءوتىنىش بەرۋ فۋنكتسياسى, سونداي-اق, باسقا دا كوپتەگەن اقپاراتتىق سەرۆيستەر بولىپ تابىلادى.

astana.gov.kz

تاعىدا

ۇقساس جاڭالىقتار

پىكىر ۇستەۋ

Back to top button