ەلوردادا بيزنەستىڭ دامۋى مەملەكەتتىك كىرىس دەپارتامەنتىنىڭ جۇمىس ساپاسىنا بايلانىستى

استانا اكىمى ادىلبەك جاقسىبەكوۆ قالالىق مەملەكەتتىك كىرىس دەپارتامەنتىنىڭ ۇجىمىمەن ەلباسىنىڭ «نۇرلى جول – بولاشاققا باستار جول» اتتى قازاقستان حالقىنا ارناعان جولداۋىندا ايتىلعان تاپسىرمالاردى ورىنداۋ ماسەلەلەرىن تالقىلادى دەپ, حابارلادى استانا قالاسى اكىمدىگىنىڭ ءباسپاسوز قىزمەتى.

استانا اكىمىنىڭ اتاپ وتۋىنشە, ەلوردانىڭ دامۋى «نۇرلى جول» جاڭا ەكونوميكالىق ساياساتىندا ايتىلعان باستى ەرەجەلەرگە نەگىزدەلۋى كەرەك.

ونىڭ پىكىرىنشە, ەلوردانىڭ ەكونوميكالىق دامۋىنىڭ ماڭىزدى كەزەڭدەرىنىڭ ءبىرى – ونىڭ ءوزىن-ءوزى قامتاماسىز ەتۋ دەڭگەيىنە شىعۋى. 2014 جىلعى 1 جەلتوقسانداعى جاعداي بويىنشا استانانىڭ مەملەكەتتىك بيۋدجەت كىرىسى دەپارتامەنتىنىڭ جەلىسى بويىنشا مەملەكەتتىك بيۋدجەتكە ءتۇسىم 660 ملرد تەڭگەدەن استى, سونىڭ ىشىندە جەرگىلىكتى بيۋدجەتكە 150 ملرد تەڭگەگە جۋىق اۋدارىلدى.

– ەكونوميكالىق ساياساتتى جاڭعىرتۋ  ماسە­لەلەرى وزەكتى بولىپ قالادى جانە قازىرگى كەزدە ولاردى شەشۋدىڭ جاڭا جولدارىن ىزدەۋ قاجەت. ەلوردانىڭ بيزنەس كليماتى تارتىمدى كاسىپكەرلەردىڭ قىزمەتى مەن بيزنەستى جۇرگىزۋ قاۋىپسىز جانە مەملەكەت تاراپىنان زاڭسىز ارالاسۋدان قورعالعان بولۋ كەرەك, بۇل وسى ۆەدومستۆونىڭ جۇمىسىن دۇرىس جولعا قويۋعا بايلانىستى بولادى. استانا مەملەكەت باسشىسىنىڭ تاپسىرمالارىن ورىنداۋدا كوش ىلگەرى بولۋ كەرەك. مۇندا بولىپ جاتقاننىڭ بارلىعى مۋلتيپليكاتيۆتىك اسەرگە يە بولۋى ءتيىس, – دەپ اتاپ ءوتتى ءا.جاقسىبەكوۆ.

استانا قالاسىنىڭ مەملەكەتتىك كىرىس دەپارتا­مەنتىندە مىڭنان استام قىزمەتكەر جۇمىس ىستەيدى, اتالعان مەكەمە قالانىڭ ەكونوميكالىق سايا­سات­تارىنىڭ جاڭا قاعيداتتارىن جۇزەگە اسىرۋدا باستى ورگانداردىڭ ءبىرى بولىپ تابىلادى.

2015 جىلى قالالىق بيۋدجەت 335 ملرد تەڭگەنى قۇرايدى. جەكە كىرىستەر 160,8 ملرد تەڭگەدەن استام كولەمدە بەكىتىلدى, ونىڭ 90%-عا جۋىعىن سالىق تۇسىمدەرى قۇرايدى.

استانا اكىمى مەملەكەتتىك كىرىس دەپارتامەنتىنە مەملەكەتتىك قىزمەتتەردى ۇسىنۋ ساپاسىن جاق­سارتۋدى, سونىمەن قاتار, سىبايلاس جەمقور­لىق­تىڭ الدىن الۋ جانە ءتۇسىندىرۋ جۇمىستارىن تۇراقتى جۇرگىزۋدى تاپسىردى. قالا باسشىسى مەملەكەت باسشىسىنىڭ جولداۋىندا كوتەرىلگەن باستامالار قازاقستاننىڭ استاناسىنىڭ تۇراقتى دامۋىن جالعاستىرۋ ءۇشىن مەملەكەتتىك كىرىس دەپارتامەنتىنىڭ جۇمىسىنا سەرپىن بەرەتىنى ءسوزسىز ەكەندىگىن اتاپ ءوتتى.