استانادا ءمامس جۇيەسى بويىنشا 2022 جىلعى جۇمىستار قورىتىندىلاندى. «الەۋمەتتىك مەديتسينالىق ساقتاندىرۋ قورى» كەاق استانا قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ پەن استانا قالاسىنىڭ قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى بەرىك قايكەنوۆ ارنايى بريفينگتە جۋرناليستەر سۇراقتارىنا جاۋاپ بەردى.
«الەۋمەتتىك مەديتسينالىق ساقتاندىرۋ قورى» كەاق استانا قالاسى بويىنشا فيليالى اراسىندا 118 مەديتسينالىق قىزمەت جەتكىزۋشىمەن شارت جاسالعان, ونىڭ 81-ءى – جەكەمەنشىك كلينيكالار, 37-ءسى – مەملەكەتتىك مەديتسينا ۇيىمدارى, ولاردىڭ 6-ى – رەسپۋبليكالىق. جىل وتكەن سايىن تۇرعىن حالىققا مەديتسينالىق قىزمەت كورسەتەتىن جەكەمەنشىك قىزمەت جەتكىزۋشىلەر ۇلەسى ارتۋدا. بۇل پاتسيەنتتىڭ ۇزدىك كلينيكانى تاڭداۋىنا مۇمكىندىك بەرەدى. مەديتسينالىق قىزمەت جەتكىزۋشىلەر ءتىزىمىن قوردىڭ fms.kz سايتىنان قاراۋعا بولادى. بۇگىندە استانا قالاسىنداعى جەكەمەنشىك مەديتسينالىق قىزمەت جەتكىزۋشىلەر ۇلەسى 68,7%-دى قۇرايدى.
ساتىپ الۋ جوسپارى بويىنشا 2022 جىلى ەلوردادا مەديتسينالىق كومەك كورسەتۋگە: تمككك اياسىندا – 115,2 ملرد تەڭگە, ءمامس جۇيەسىندە 107,0 ملرد تەڭگە بولىنگەن.
2022 جىلدىڭ 9 ايىندا ناقتى ورىندالعان مەديتسينالىق قىزمەتتەر تمككك اياسىندا 83,7 ملرد تەڭگەنى قۇرادى, ال ءمامس جۇيەسى بويىنشا تولەمگە 82,8 ملرد تەڭگە قابىلداندى.
وتا جانە ستاتسيوناردا ەمدەۋ بويىنشا 2022 جىلى ەلوردادا وتا جاساۋ كورسەتكىشى 3,6% ءوستى. تەك جوعارى تەحنولوگيالىق مەديتسينالىق كومەك قولدانىسى ارقىلى ءمامس بويىنشا 17,04 ملرد تەڭگە سوماسىنا قوسىمشا 6130 قىزمەت كورسەتىلدى.
«اڭساعان ءسابي» باعدارلاماسى اياسىندا بيىل استانا قالاسىنا ەكۇ-عا 514 كۆوتا ءبولىندى.
الەۋمەتتىك مەديتسينالىق ساقتاندىرۋ قورىنىڭ استانا قالاسى بويىنشا فيليالى وڭالتۋ قىزمەتتەرىن كورسەتەتىن 50 مەديتسينا ۇيىمىمەن كەلىسىمشارت جاساعان. ولاردىڭ ىشىندە: جەكەمەنشىك – 25, مەملەكەتتىك – 22, رەسپۋبليكالىق 3 مەديتسينا ۇيىمى بار.
2022 جىلدىڭ 1 قاراشاسىنداعى جاعداي بويىنشا استانا قالاسى بويىنشا 13 ملرد 036 ملن تەڭگە سوماسىنا 971 875 تەگىن رەتسەپت بويىنشا 187 530 پاتسيەنت تەگىن ءدارى-دارمەكپەن جانە مەديتسينالىق بۇيىمدارمەن قامتاماسىز ەتىلدى.
قور حالىققا كورسەتىلگەن مەديتسينالىق قىزمەتتەردىڭ ساپاسى مەن كولەمىنە مونيتورينگتى جالعاستىرۋدا. استانا قالاسى بويىنشا 2022 جىلدىڭ 10 ايىندا كورسەتىلگەن مەديتسينالىق قىزمەت ساپاسى مەن كولەمىنە جۇرگىزىلگەن ءتۇرلى مونيتورينگتەر بويىنشا 366 029 كەمشىلىك انىقتالىپ, 1 ملرد 737 ملن 298 مىڭ تەڭگە مەديتسينالىق ۇيىمداردان الىندى.
جىل باسىنان بەرى, 2022 جىلدىڭ 31 قازانىنداعى جاعداي بويىنشا (01.01.2022-31.10.2022) قوردىڭ استانا قالاسى بويىنشا فيليالىنىڭ قىزمەتكەرلەرى 6237 ءوتىنىش قابىلداپ, قاراستىردى.
ەگەر ەمحانا دەڭگەيىندەگى جاعدايدى شەشۋ مۇمكىن بولماسا, ەمدەلۋشىلەردە مەديتسينالىق ساقتاندىرۋ قورىنا كەرى بايلانىستىڭ رەسمي ارنالارى ارقىلى جۇگىنۋ مۇمكىندىگى بار:
– Qoldau 24/7 ءموبيلدى قوسىمشاسى
-@saqtandyrybot تەلەگرامبوتى
-1406 باي̆لانىس ورتالىعى
-قوردىڭ fms.kz ساي̆تى
قازىرگى ۋاقىتتا استانا قالاسى تۇرعىندارىنىڭ 82%-ى ءمامس جۇيەسىنىڭ قاتىسۋشىلارى بولىپ تابىلادى. 2022 جىلدىڭ 31 قازانىنداعى جاعداي بويىنشا ءمامس جۇيەسىنە قاتىسۋشىلار سانى 1 070 887 قۇرادى.
2022 جىلدىڭ قاڭتاردان قاراشاعا دەيىنگى ارالىقتا ەلوردادا مىندەتتى الەۋمەتتىك مەديتسينالىق ساقتاندىرۋ ءۇشىن 54,059 ملرد تەڭگەدەن استام قاراجات اۋدارىلدى. ونىڭ 30,1 ملرد تەڭگەسى جۇمىس بەرۋشىلەردىڭ اۋدارىمدارىنا, ال 20,2 ملرد تەڭگەسى قىزمەتكەرلەردىڭ جارنالارىنا تيەسىلى. بىرىڭعاي جيىنتىق تولەم (بجت) سوماسى شامامەن 108 ملن تەڭگەنى قۇرايدى, جەكە كاسىپكەرلەردىڭ جارنالارى 2,05 ملرد تەڭگەنى, دەربەس تولەۋشىلەردىڭ جارنالارى 469 ملن تەڭگەنى, ازاماتتىق-قۇقىقتىق شارت بويىنشا جۇمىس ىستەيتىن قىزمەتكەرلەردىڭ جارنالارى 1,03 ملرد تەڭگەنى قۇرايدى.
«ءمامس جۇيەسى مىندەتتەرىنىڭ ءبىرى – حالىقتىڭ مەديتسينالىق كومەككە, ونىڭ ىشىندە قىمبات قىزمەتتەرگە تولەيتىن شىعىنىن ازايتۋ» دەيدى ماماندار. ەندەشە ەگەر ساقتاندىرىلعان بولساڭىز, ياعني اي سايىن ءمامس-كە ايلىعىڭىزدان جارنا تولەپ وتىرساڭىز مىنا قىزمەتتەردى تەگىن پايدالانا الاتىنىڭىزدى ەسكەرە ءجۇرىڭىز:
- اۋرۋدىڭ الدىن الۋ, بەلگىلەرىن ەرتە انىقتاۋ ءۇشىن پروفيلاكتيكالىق تەكسەرۋلەردەن (سكرينينگتەردەن) ءوتۋ;
- كورسەتكىشتەر بويىنشا كت, مرت, پەت جانە ت.ب سەكىلدى قاجەت دياگنوستيكالىق تەكسەرۋلەردەن ءوتۋ;
- سالالىق مامانداردان كەڭەس الا الۋ;
- ەكۇ باعدارلاماسىنا قاتىسۋ;
- كۇندىزگى نەمەسە تاۋلىكتىك ستاتسيوناردا ەمدەلۋ;
- ءوز تاڭداۋىڭىز بويىنشا مەديتسينالىق ساقتاندىرۋ قورىمەن شارت جاساسقان كەز كەلگەن مەديتسينالىق ۇيىمدا وپەراتسيا جاساتۋ;
- مەديتسينالىق وڭالتۋدان ءوتۋ;
- ازاماتتاردىڭ جەكەلەگەن ساناتتارى ءۇشىن ستوماتولوگيالىق كومەك.
مىندەتتى الەۋمەتتىك مەديتسينالىق ساقتاندىرۋ ءۇشىن تۇسكەن بارلىق جارنا اۋدارىمدارى, ياعني جيناقتالعان قارجى, سەنىمگەرلىك باسقارۋ تۋرالى جاسالعان كەلىسىمشارتقا سايكەس, ۇلتتىق بانكتە ساقتالادى دا, مەديتسينالىق قىزمەتتەر اقىسىن تولەۋگە جۇمسالادى. تمككك جانە ءمامس پاكەتتەرى بويىنشا حالىققا كورسەتىلگەن مەديتسينالىق قىزمەتتەردىڭ ساپاسى مەن كولەمىنە مونيتورينگ جاسالىپ, تەكسەرىلگەننەن كەيىن عانا قور جەتكىزۋشىلەرىنە تولەم جۇرگىزىلەدى.
