اl-Fattah اتالاتىن جاڭا مەشىتتىڭ اشىلۋ سالتاناتىنا قمدب توراعاسى, باس ءمۇفتي ناۋرىزباي قاجى تاعانۇلى قاتىستى.
م.نارىكباەۆ پەن ايتەكە بي كوشەلەرىنىڭ قيىلىسىندا ورنالاسقان مەشىتتىڭ اشىلۋىنا ءدىني مەكەمەلەر وكىلدەرى مەن قالا تۇرعىندارى كەلدى.
باس ءمۇفتي استانا قالاسىندا اشىلعان جاڭا مەشىت يماندىلىق تاربيەسىنە ۇلەس قوساتىن رۋحاني ورداعا, مەيىرىمدىلىك مەكەنىنە, مادەني ورتالىققا اينالاتىنىنا سەنىم ءبىلدىردى. «ازىرەت سۇلتان» مەشىتىنىڭ ازانشىسى قاينار بازارحان قۇران وقىدى. قازاقستان مۇسىلماندارى ءدىني بىرلەستىگى اتىنان مەشىت تۇرعىزعان ازاماتتارعا العىس جاريالاندى.
سالتاناتتى اشىلۋ راسىمىنەن كەيىن جينالعان جۇرتشىلىق جۇما نامازىنا قاتىستى.
