Sport

ەلوردالىق كاراتەشىلەر ازيا چەمپيوناتىنا قاتىسادى

استانالىق ەكى سپورتشى الىشەر مەن ءبىرجان قابدوللاەۆتار ماۋسىمنىڭ 24-ءى مەن 26-سى ارالىعىندا اقتاۋدا وتكەن كاراتە-دودان قازاقستان رەسپۋبليكاسىنىڭ چەمپيوناتىنىڭ التىن جۇلدەگەرلەرى اتاندى. جەڭىمپازدار قازاقستان قۇراماسىنىڭ ساپىندا قاراشا ايىندا يندونەزيا دا وتەتىن ازيا چەمپيوناتىنا قاتىسادى.

الىشەر مەن ءبىرجان قابدوللاەۆتار استانا قالاسى اكىمدىگىنىڭ «تولاعاي» جوعارى سپورت شەبەرلىگى مەكتەبىندە اعا باپكەر مەيرامگۇل دۋكۋەۆانىڭ جەتەكشىلىگىمەن جاتتىعادى. باپكەردىڭ ايتۋىنشا, بالالار جەڭىسكە جەتۋ جولىندا تاباندىلىق تانىتقان.

– الىشەر 8 جاسىنان جاتتىعىپ ءجۇر, قازىر ول 19-دا. ول 18-20 جاس ساناتىندا 60 كگ دەيىنگى سالماقتا كۋميتە باعدارلاماسى بويىنشا توپ جاردى. 15 جاسىندا رەسپۋبليكا چەمپيوناتىنىڭ جۇلدەگەرى جانە چەمپيونى بولعان, ال بيىل رەسپۋبليكالىق قۇرامامەن بىرگە ازيا چەمپيوناتىنا بارادى, – دەيدى مەيرامگۇل دۋكۋەۆا.

ءبىرجان قابدوللاەۆ 16-17 جاس ساناتىندا كاتا باعدارلاماسىندا التىن الدى. ول دا ەلىمىزدىڭ قۇراما كومانداسىمەن ازيا چەمپيوناتىندا باعىن سىنايتىن بولادى.

astana.gov.kz

تاعىدا

ۇقساس جاڭالىقتار

پىكىر ۇستەۋ

Back to top button