جاڭالىقتار

ەلوردالىق قۇتقارۋشىلار حالىقتى سۋداعى قاۋىپسىزدىك ەرەجەلەرىمەن تانىستىرۋدا

استانا قالاسى توتەنشە جاعدايلار دەپارتامەنتى جەرگىلىكتى پوليتسيا قىزمەتىمەن بىرلەسىپ, سۋ قويمالارىندا توتەنشە جاعدايلاردىڭ الدىن الۋعا باعىتتالعان ءتۇسىندىرۋ جۇمىستارىن جۇرگىزۋدە. رەيدتەر ءار دەمالىس سايىن تۇراقتى تۇردە ۇيىمداستىرىلادى. قۇتقارۋشىلار جازعى شومىلۋ ماۋسىمىن قاۋىپسىزدىك تەحنيكاسىن تۇسىندىرۋدەن باستايدى. وتكەن دەمالىستا 1,5 مىڭعا جۋىق قالا تۇرعىنى قامتىلدى.

04

جىل سايىن شومىلاتىن جەرلەردە قاۋىپسىزدىك پەن قۇقىقتىق ءتارتىپتى قامتاماسىز ەتۋدىڭ ءىس-شارالار جوسپارى ازىرلەنەدى. ەلوردالىق قۇتقارۋشىلاردىڭ ماقساتى ەلوردا تۇرعىندارىن سۋداعى قاۋىپسىزدىك شارالارىمەن تانىستىرۋ, سونىمەن قاتار, سۋعا تۇسەتىن ورىنداردا ءتارتىپ ەرەجەلەرىن ساقتاۋعا شاقىرۋ بولىپ تابىلادى.

شارا بارىسىندا قازاق گزۋ اۋماعىنداعى كوپىرلەر مەن «گازماشاپپاراتۋرا» باقشا قوعامداستىعىنىڭ اۋدانى تاۋەكەل ايماققا جاتاتىنى انىقتالدى. وسىعان بايلانىستى تىيىم سالاتىن جانە ەسكەرتەتىن 30 جۋىق بەلگى قويىلدى.

رەيد كەزىندە قۇتقارۋشىلار وقۋشىلارعا باسا نازار اۋداردى.

astana.gov.kz

تاعىدا

ۇقساس جاڭالىقتار

پىكىر ۇستەۋ

Back to top button