كوكتەم شىعا قالا اۋماعىن رەتكە كەلتiرiپ, كوشەلەر مەن اۋلالاردى تازالاپ ۇستاۋ – ەلوردادا قالىپتاسقان ءۇردiس. جاڭا اپتا باستالعالى استانادا كۇن جىلىنىپ, جەر اياعى كەڭىدى. اۋا رايىنىڭ قولايلىلىعىن پايدالانىپ, جىلداعى قالىپتاسقان ءداستۇر بويىنشا ەلوردانىڭ كوممۋنالدىق سالا قىزمەتكەرلەرى اينالانى تازالاۋ جۇمىستارىنا قىزۋ كىرىسىپ كەتتى.
استانادا كوكتەمگى سانيتارلىق تازالىق جۇمىسى باستالدى. بۇل ىسكە 2000-عا جۋىق جۇمىسشىلار, 500-دەن استام تەحنيكا جۇمىلدىرىلدى.
قالانى قىستان قالعان كۇل-قوقىستان تازارتىپ, بارلىق اۋدان اۋماقتارىندا قورشاۋلار مەن ساياباقتار, گۇلزارلار مەن الاڭدار, اۋلالار جانە ادام كوپ جينالاتىن وزگە دە ورىندار تازالانىپ, جۋىلۋدا.
الماتى اۋدانىندا قىسقى لاستانۋدان كەيىن ورتالىق كوشەلەردى, تروتۋارلاردى, ايالدامالاردى, كوپىرلەردى, جارىقتاندىرۋ تىرەكتەرىن, قورشاۋلاردى جانە جالپى پايدالانۋ ورىندارىن تازالاۋ جانە جۋ بويىنشا جوسپارلى جۇمىستار تولىق قارقىنمەن جالعاسۋدا. بۇگىنگى تاڭدا اتالعان جۇمىستارعا 140 بىرلىك ارنايى تەحنيكا مەن 629 جول جۇمىسشىسى قاتىستى. ارنايى تەحنيكالاردىڭ كومەگىمەن تروتۋارلار مەن جول توسەمدەرىن مەحانيكالىق تازالاۋ جۇمىستارى جۇرگىزىلۋدە.
جۇمىسشىلار كۇن سايىن كوگالداردى قوقىستان تازالاپ, جولدىڭ جيەكتەرىن قولمەن جانە تەحنيكانىڭ كومەگىمەن تازارتىلىپ جاتىر. بۇل رەتتە نەگىزگى كۇش ەرىگەن سۋلاردى بۇرۋعا جانە ايداۋعا باعىتتالادى. سونداي-اق اپاتتى جانە قۋراعان اعاشتاردى تاجدەۋ جانە كوگالداردى تىرمالاۋ جۇمىستارى جالعاسۋدا.
وسىلايشا, اتالمىش اۋدانىنىڭ كوممۋنالدىق قىزمەتتەرى الدىمەن اۋدان اۋماعىنداعى كوپىرلەردى, ودان سوڭ اۋدانعا كورىك بەرىپ تۇرعان بەلگىلى تۇلعالاردىڭ ەسكەرتكىشتەرىن تازالاپ جۋدى قولعا الدى. گۇلزارلار, كولىك جۇرەتىن جانە جاياۋ جۇرگىنشىلەرگە ارنالعان جولدار تازارتىلىپ, ايالداما پاۆيلوندارىن, جول بەلگىلەرىن جۋىپ, قوقىس جاشىكتەرى مەن ورىندىقتار سىرلاندى. اتالمىش اۋدان اۋماعىندا ورنالاسقان ساياباقتار مەن اۋلالار كۇل-قوقىستان تازارتىلىپ, اعاشتاردى كەسۋ جۇمىستارى جۇرگىزىلدى. سونداي-اق اعاشتاردىڭ ءتۇبىن قوپسىتۋ, قۋراپ قالعان بۇتالاردى كەسۋ جانە ت.ب. جۇمىستار ءجۇرىپ جاتىر. بۇل اعاشتىڭ قۋراپ قالماۋى ءۇشىن جاسالادى.
بۇگىنگى تاڭدا سانيتارلىق تازالاۋ جۇمىستارى ەلوردانىڭ بارلىق اۋدانىندا جۇرگىزۋدە.
