ەلوردا تىنىسى

ەلشىلەر سەنىم گراموتالارىن تاپسىردى

اقوردا رەزيدەنتسياسىندا 3 مەملەكەتتىڭ توتەنشە جانە وكىلەتتى ەلشىلەرىنىڭ قازاقستان پرەزيدەنتىنە سەنىم گراموتالارىن تاپسىرۋ ءراسىمى ءوتتى. سەنىم گراموتالارىن امەريكا قۇراما شتاتتارىنىڭ ەلشىسى دەنيەل روزەنبليۋم, سەررا-لەونە رەسپۋبليكاسىنىڭ ەلشىسى مۇحامەد يونگاۆو جانە مولدوۆا رەسپۋبليكاسىنىڭ ەلشىسى ليليان داري تاپسىردى.

پرەزيدەنت ديپلوماتتاردى قازاقستانداعى رەسمي ميسسيالارىنىڭ باستالۋىمەن قۇتتىقتاپ, ولار ءوزىنىڭ كاسىبي تاجىريبەسىمەن جانە قاجىرلى ەڭبەگىمەن ەكىجاقتى ىنتىماقتاستىقتى دامىتۋعا ۇلەس قوساتىنىنا سەنىم ءبىلدىردى.

قاسىم-جومارت توقاەۆ دوستىق جانە ءوزارا ءتيىمدى قارىم-قاتىناستاردى نىعايتۋعا باعىتتالعان بەيبىت ءارى اشىق سىرتقى ساياسات جۇرگىزەتىنىن اتاپ ءوتتى.

شارا سوڭىندا پرەزيدەنت ديپلوماتتارعا تابىس تىلەپ, ولاردىڭ مەملەكەتتەرىنىڭ باسشىلارىنا جۇرەكجاردى سالەمىن جولدادى.

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button