قالا مەن سالا
ەنەرگەتيكتەر تىلىمىزدەن قۋات الدى
استانا-ايماقتىق ەلەكترجەلىلىك كومپانياسى «ءتىل – تاتۋلىق تىرەگى» اتتى شارا وتكىزدى.
شارا داستۇرىمىزگە ساي شاشۋمەن باستالدى. مىڭنان اسا ادام قىزمەت جاسايتىن ۇيىمدا قازاق ءتىلىن بىلەتىن ادامدار بارشىلىق ەكەن. ماسەلەن, اندرەي پىشينسكي, سەرگەي يسراەليان, الەكساندر بەلون سىندى قىزمەتكەرلەر قاتىسقان قويىلىم سوعان انىق كوز جەتكىزدى. دينا قاپياتوۆا تارتقان قۇرمانعازىنىڭ كۇيلەرىن جينالعاندار سۇيسىنە تىڭدادى.
و.ورلوۆا, س.بايماعانبەتوۆا, ا.جاقىپوۆا, و.رۋساك, گ.مۇحاتوۆا, ع.بەكتاسوۆا, ر.كوشىمباەۆا, م.الىبەكوۆا, ج.باياحمەتباي بيلەگەن «قارا جورعا» ءبيى مەرەكەگە قاتىسقانداردى قىزدىرا ءتۇستى. ۇلت پەن ۇلتتى جاقىنداستىراتىن, ءتىلىمىز بەن سالت-ءداستۇرىمىزدى قۇرمەتتەۋگە ءتاربيەلەيتىن شارا قازاق ءتىلى – قازاقستاندىقتاردى ۇيىستىرۋشى فاكتور ەكەنىن دالەلدەدى. ەنەرگەتيكتەر تىلدەن دە قۋات الۋعا بولاتىنىنا سەندى.
امانعالي قالجانوۆ