كەشە استانا اكىمى ادىلبەك جاقسىبەكوۆ جانە قر ەنەرگەتيكا ءمينيسترى ۆلاديمير شكولنيك قالاداعى ەنەرگەتيكالىق نىسانداردىڭ جۇمىسىمەن, اتاپ ايتقاندا, №2 جەو-نى قالپىنا كەلتىرۋ بارىسىمەن جانە №3 جەو قۇرىلىسىمەن تانىستى.
قازىر №2 جەو-دا №7 قازاندىق پەن №5 تۋربينانى مونتاجداۋ, باس كورپۋستىڭ توبەسىن جانە كۇل ءۇيىندىسى عيماراتىن قالپىنا كەلتىرۋ جۇمىستارى جالعاسۋدا.
سونىمەن قاتار, №3 جەو-دا سۋ جىلىتۋ قازاندىعى مەن قازاندىقتاردىڭ وزدەرىن, №1 جەو مەن №3 جەو اراسىندا تەحنولوگيالىق قۇبىرلاردىڭ ەستاكادالارىن جانە جىلۋ جەلىلەرىن مونتاجداۋ جۇمىستارى قولعا الىندى.
نىساننىڭ ەكىنشى كەزەگىن سالۋ 2018 جىلعا جوسپارلانىپ وتىر, 550 توننا بۋ/ساع بويىنشا ەكى قازاندىق اگرەگاتتارىمەن جانە 120 مۆت جىلىتۋ تۋربواگرەگاتتارمەن ەكى ەنەرگوبلوكتى ورناتا وتىرىپ, №3 جەو باس كورپۋسىنىڭ قۇرىلىسى جۇرگىزىلمەك.
جوباعا ينۆەستيتسيالار تارتۋ ءۇشىن «استانا Innovations» اكتسيونەرلىك قوعامى حالىقارالىق ينستيتۋتتاردىڭ قاتىسۋىمەن №3 جەو ەكىنشى كەزەگىن سالۋ جونىندە ۇزدىك ينۆەستيتسيالىق ۇسىنىستاردى انىقتاۋعا اشىق كونكۋرس وتكىزۋ بويىنشا قۇجاتتاما ازىرلەۋدە.
بۇعان دەيىن, استانا اكىمى ادىلبەك جاقسىبەكوۆ ەلەكتر ەنەرگياسى مەن سۋ بەرۋدى جوسپارلى تۇردە اجىراتۋدى توقتاتىپ, ەلوردانىڭ جىلۋ-ەنەرگەتيكالىق دامۋى ماسەلەلەرىنە ەرەكشە نازار اۋدارۋدى تاپسىرعان بولاتىن.
ساعي ورال
