كەشە ىرىكتەۋشى كوميسسيا III حالىقارالىق «Astana Piano Passion» جاس پيانيستەر بايقاۋىنىڭ جارتىلاي فينالىنا شىققان 7-18 جاس ارالىعىنداعى ەڭ العىر, تالانتتى 30 ءۇمىتكەردى تاڭداپ الدى. بايقاۋعا قاتىسۋعا بارلىعى 40 ەلدەن 120 ءوتىنىش تۇسكەن بولاتىن.
– البەتتە, بايقاۋعا قاتىسۋشىلاردىڭ دايىندىق دەڭگەيى جىلدان-جىلعا ارتىپ كەلەدى. ءتىپتى, قازىلار القاسى مۇشەلەرىنە جۇزدەن جۇيرىگىن تاڭداۋ قيىنداي تۇسۋدە. ءبىز تالانتتى جاستاردىڭ ىنتاسى مەن تالابىنا وتە ريزامىز. كىم بىلەدى, مۇمكىن وسى جاستاردىڭ اراسىندا الەمدىك دەڭگەيدەگى بولاشاق جۇلدىزدار دا بار شىعار, – دەيدى قازىلار القاسىنىڭ توراعاسى دەنيس ماتسۋەۆ.
استانادا 26 ساۋىردە بايقاۋ تىڭداۋى باستالادى. وسى ۋاقىت ىشىندە قاتىسۋشىلاردىڭ بارلىعى قارقىندى تۇردە دايىندالىپ, قازاقستاندىق كومپوزيتورلاردىڭ شىعارمالارىن جاتتاۋى ءتيىس. بۇل – بايقاۋدىڭ مىندەتتى شارتتارىنىڭ ءبىرى.
