ەلوردانىڭ سارىارقا اۋدانىندا 390 مىڭداي ادام تۇرادى. مۇنداعى كوشەلەر مەن عيماراتتار كۇن سايىن كەلبەتتەنىپ, قالا كوركىن ودان ءارى اشا تۇسۋدە. وسىنداي جاعىمدى اتموسفەرا اۋدانداعى ءار سالا وكىلدەرىنىڭ جەمىستى ەڭبەگى ناتيجەسىندە ورناعانى داۋسىز.
ءوز تىرلىگىن تىندىرىمدى اتقارىپ, تياناقتى جۇمىس ىستەگەن ماماندار كەشە العىس حاتتار مەن باعالى سىيلىقتارعا يە بولدى. ولاردى سارىارقا اۋدانى اكىمى پاۆەل كۋلاگيننىڭ اتىنان ورىنباسارى تالعات راحمانبەردى تابىستادى.
ۇكىلەنگەن ۇزدىك قىزمەتكەرلەردىڭ اراسىندا №4 ەمحانانىڭ باس دارىگەرى سەرىك شايمەردەنوۆ, №10 ەمحانانىڭ تەراپەۆت-دارىگەرى نازيرا سامەتوۆا, №4 ەمحانانىڭ پەدياتريا ءبولىمى اعا مەدبيكەسى ءاليما اعىموۆا بار. سونىمەن قاتار, قوشەمەتتەن اۋدانداعى ءتارتىپ ساقشىلارى دا تىس قالمادى. دالىرەك ايتساق, جەرگىلىكتى پوليتسيا قىزمەتىنىڭ ينسپەكتورلارى باۋىرجان قاسەنوۆ, ايدوس نۇرداۋلەتوۆ, اسان مۇراتوۆ, ەرلان ۋاحيتوۆ پەن يۋۆەنالدى پوليتسيا ءبولىمىنىڭ باسشىسى ءاليا قولىشپاەۆاعا اكىم گراموتالارى بەرىلدى. «ەلوردالىق دەزينفەكتسيا» جشس ديرەكتورى ءشامىل گاديزاەۆتى ورتاعا شاقىراردا اكىم ورىنباسارى «ءدال وسى كىسىنىڭ ارقاسىندا ءبىزدىڭ اۋداندا ماسا جوق» دەپ ەرەكشە قۇرمەت كورسەتتى. بۇدان بولەك, كەزدەسۋ بارىسىندا كوممۋنالدىق قىزمەت باسشىلارى – «ليفت قۇرىلىس» جشس ديرەكتورى دميتري بەرەزوۆسكي, «نەستەرەنكو» جك ديرەكتورى ۆيكتور نەستەرەنكو, «بەينەۋورتالىق» جشس ديرەكتورى باۋىرجان وسپانوۆ, سونداي-اق مەردىگەرلىك ۇيىم وكىلدەرى – «استانا كوگالداندىرۋ قۇرىلىسى» اق جۇمىسشىسى دارحان دوستياروۆ پەن «Install سەرۆيس Com» جشس ديرەكتورى قايرات ۋاليەۆ اتاپ ءوتىلدى. ال ءبىلىم بەرۋ سالاسىنان عالي ورمانوۆ اتىنداعى №7 مەكتەپ-گيمنازيانىڭ بيولوگيا ءپانى مۇعالىمى بايان شايمەردەنوۆا, بالالار كوركەمونەر مەكتەبىنىڭ بەينەلەۋ ونەرى جانە سىزۋ ءپانى مۇعالىمى ءاليا وتەپوۆا, №19 «بالبوبەك» بالاباقشاسىنىڭ مەڭگەرۋشىسى الماگۇل تولەۋوۆا سەكىلدى پەداگوگتار ماراپاتتالدى.
بوتاگوز ماراتقىزى
