كەشە استانا قالاسىنىڭ اكىمى ادىلبەك جاقسىبەكوۆ اتاقتى سكريپكاشى ايمان مۇساقوجاەۆانى «قازاقستاننىڭ ەڭبەك ەرى» اتاعىن الۋىمەن قۇتتىقتادى, دەپ حابارلايدى www.astana.kz cايتى
– ايمان قوجابەكقىزى, ءسىز پرەزيدەنتتىڭ ەلوردانى اۋىستىرۋ باستاماسىن قولداپ, استاناعا ءبىرىنشى بولىپ كەلگەن مادەنيەت قايراتكەرلەرىنىڭ ءبىرىسىز. 1998 جىلى استانادا مۋزىكا اكادەمياسىنىڭ نەگىزىن قالاپ, ونىڭ رەكتورى بولا تۇرا, وسى كۇنگە دەيىن تالاي تالانتتى مۋزىكانت پەن كومپوزيتوردىڭ جۇلدىزىن جاقتىڭىز. ءسىزدىڭ ەرەن ەڭبەگىڭىز لايىقتى باعاسىن تاۋىپ وتىر, – دەدى استانا اكىمى.
ءوز كەزەگىندە ايمان مۇساقوجاەۆا ادىلبەك جاقسىبەكوۆكە تۇراقتى قولداۋى مەن ەلوردانىڭ رۋحاني ورتاسىن دامىتۋ مەن قالىپتاستىرۋ بويىنشا بىرلەسكەن جۇمىسى ءۇشىن العىسىن ءبىلدىردى.
ايمان مۇساقوجاەۆا – قر حالىق ءارتىسى, قازاق ۇلتتىق ونەر ۋنيۆەرسيتەتىنىڭ رەكتورى, استانانىڭ قۇرمەتتى ازاماتى, قر مەملەكەتتىك سىيلىعىنىڭ جانە «قازاقستاننىڭ ەڭبەك ەرى» اتاعىنىڭ يەگەرى, حالىقارالىق بايقاۋلاردىڭ لاۋرەاتى. ايمان مۇساقوجاەۆانىڭ ەسىمى «حح عاسىردىڭ 2000 كورنەكتى مۋزىكانتى» اتتى دۇنيەجۇزىلىك قۇرمەتتى تىزىمگە ەنگىزىلگەن.
