كەزىندە تانىمال بولعان ماماندىقتارعا بۇگىندە سۇرانىس جوق. تەحنولوگيانىڭ قارىشتاپ دامۋى ءتىپتى كەيبىر ماماندىقتاردى ەڭبەك نارىعىنان «سىزىپ» تاستادى.
قالا اكىمىنىڭ ورىنباسارى ماليكا بەكتۇروۆا دا وتكەن جىلى مەكتەپ تۇلەكتەرىمەن كەزدەسكەندە ەڭبەك نارىعىندا قانداي ماماندار سۇرانىسقا ساي بولسا, اكىم گرانتى دا سوعان بايلانىستى بولاتىنىن ايتقان بولاتىن. ۋاقىت تالابىن ەسكەرىپ, اكىمدىكتىڭ ءبىلىم گرانتىنا قاتىستى مەملەكەتتىك تاپسىرىسقا وزگەرىستەر ەنگىزگەنى سوندىقتان. 2025 جىلعا قاراي ەلىمىزدە تۋريزم, ءبىلىم بەرۋ, ساۋدا-ساتتىق, كولىك جانە لوگيستيكا سالالارىندا جاڭا جۇمىس ورىندارى كوپتەپ اشىلادى دەگەن بولجام بار.
ناقتى ايتقاندا, استانا اكىمىنىڭ گرانتى جەتىمدەرگە, مۇگەدەكتەرگە, بالالار ۇيلەرىنىڭ تاربيەلەنۋشىلەرىنە, كوپبالالى وتباسىلاردان شىققان جانە اتا-اناسىنىڭ قامقورلىعىنسىز قالعان بالالارعا بەرىلەدى. ماسەلەن, 2018-2019 وقۋ جىلىنا 19 ماماندىق بويىنشا 102 گرانت ءبولىنىپ, بۇگىندە تەحنيكالىق, ينجەنەرلىك, مەديتسينالىق جانە پەداگوگيكالىق ماماندىقتار بويىنشا ستۋدەنتتەر قالامىزدىڭ جوعارى وقۋ ورىندارىندا تەگىن ءبىلىم الۋدا.
