ەڭبەككەر مەرەيىن اسىراتىن مەرەكە

قىركۇيەك ايىنىڭ سوڭعى جەكسەنبىسىندە ەلىمىزدە تۇڭعىش رەت ەڭبەك كۇنى مەرەكەسى تويلانادى. مەيرامدى اتاپ ءوتۋ جوسپارى جايلى قر دەنساۋلىق ساقتاۋ جانە الەۋمەتتiك قورعاۋ ۆيتسە-مينيسترi داۋلەت ارعاندىقوۆ اڭگىمەلەيدى.

– مەرەكەنىڭ ءمانى مەن ماڭىزىنا توقتالساڭىز.

– بىرنەشە جىل بۇرىن مەملەكەت باسشىسى نۇرسۇلتان  نازارباەۆ جالپىعا ورتاق ەڭبەك قوعامىن قۇرۋ جونىندەگى يدەيانى ۇسىندى. وسى يدەيادان شىعىپ وتىرعان ەڭبەك كۇنى مەرەكەسى بىلتىر ەلباسى جارلىعىمەن رەسمي تۇردە بەكىتىلدى. بۇل مەيرام ەڭبەك ادامىنىڭ قوعامداعى مارتەبەسiن ارتتىرۋعا, وندiرiستiك قىزمەتتەردi ىنتالاندىرۋعا, جۇمىسشى ماماندىقتاردى ناسيحاتتاۋ مەن كوپجىلدىق ەڭبەك داستۇرلەرiن نىعايتۋعا باعىتتالعان.

– مەرەكە اياسىندا قانداي شارالار وتەتىنىنەن حابار بەرسەڭىز.    

– وسى جىلى تۇڭعىش رەت مەرەكەلەنەتiنiن ەسكەرە وتىرىپ, الەۋمەتتiك ارiپتەستiك بويىنشا رەسپۋبليكالىق ۇشجاقتى كوميسسيا وتىرىسىندا ەڭبەك كۇنiن وتكiزۋ بو­يىنشا iس-شارالار جوسپارى بەكiتiلدi. ولاردىڭ اراسىندا ەڭبەك ۇجىمدارىن بiرiكتiرۋدى, كورپوراتيۆتiك رۋحتى نىعايتۋدى كوزدەيتىن شىعارماشىلىق, سپورتتىق شارالار بار. بيىل «ەڭبەك ارداگەرi» مەدالi تۇڭعىش رەت بەكiتiلiپ وتىر. بۇل – بارلىق سالا جۇمىسكەرلەرىنە ارنالعان ۆەدومستۆولىق ماراپات. اتالعان مەدالمەن 40 جىلدان استام ەڭبەك ءوتiلi بار جانە ءبىر سالادا 10 جىل ەڭبەك ەتكەن جاندار مەن ەڭبەك قىزمەتiندە جوعارى كورسەتكiشتەرگە قول جەتكiزگەن ماماندار ماراپاتتالادى.

– «ەڭبەك ارداگەرi» مەدالiن تابىستاۋ ءراسىمى ناقتى قاي كۇنى, قاي جەردە وتەدى?

– ءبىزدىڭ مينيسترلىك 26 قىركۇيەك كۇنi ۇلتتىق مۇراجايدا ەڭبەك كۇنiن مەرەكەلەۋگە ارنالعان فورۋم وتكiزەدى. اتالعان شارا بارىسىندا «ەڭبەك ارداگەرى» مەدالىمەن 10 ادامدى ماراپاتتايمىز. مەدال وتىن-ەنەرگەتيكا, اگروونەركاسiپتiك كەشەن, مەتاللۋرگيا, مۇناي جانە گاز, قۇرىلىس پەن تۇرعىن ءۇي-كوممۋنالدىق شارۋاشىلىق, بiلiم بەرۋ, دەنساۋلىق ساقتاۋ سالالارىنىڭ قىزمەتكەرلەرiنە تابىستالاتىن بولادى.

 امانعالي شميتۇلى