Sport

ەنۋ ستۋدەنتتەرى – ۋنيۆەرسيادا چەمپيونى

ERA_2261

استانادا ءVىىى جازعى ۋنيۆەرسيادانىڭ فۋتبول ءتۋرنيرى مارەسىنە جەتتى. ەلىمىزدىڭ جوعارى وقۋ ورىندارى اراسىنداعى بىرىنشىلىكتە ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ كومانداسى چەمپيون اتاندى.

«جاس باتىر» ستاديونىندا ەكى اپتا بويى وتكەن ۋنيۆەرسيادا فينالدىق ويىندارىنا ءار ايماقتان توپ جارعان ۇزدىك ستۋدەنتتەر كوماندالارى قاتىستى. جارىستىڭ ءبىرىنشى كۇنى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى مەن الماتى قالاسىنان كەلگەن ءال-فارابي اتىنداعى قازاق ۇلتتىق ۋنيۆەرسيتەتى كوماندالارى كەزدەسىپ, استانالىقتار 2:1 ەسەبىمەن جەڭىسكە جەتسە, م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى ستۋدەنتتەرى س.اسفاندياروۆ اتىنداعى قازاق مەديتسينا ۋنيۆەرسيتەتى كومانداسىنان باسىم ءتۇستى. بۇل جارىس­تا س.سەيفۋللين اتىنداعى قازاق اگروتەحنيكالىق ۋنيۆەرسيتەتى كومانداسى دا جاقسى قىرىنان كورىندى.
ۋنيۆەرسيادا ءتۋرنيرىنىڭ سوڭعى ويىنى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى مەن استانالىق «اگرارشىلار»كومانداسى كەزدەستى. وتە تارتىستى وتكەن بۇل ويىن 1:1 ەسەبىمەن اياقتالدى.
جارىس قورىتىندىسىندا تۋرنير بارىسىندا بىردە-ءبىر جەڭىلىس كورمەگەن ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى كومانداسى (رەكتورى ەرلان سىدىقوۆ) جەڭىمپاز اتانسا, س.سەيفۋللين اتىنداعى قازاق اگروتەحنيكالىق ۋنيۆەرسيتەتى كومانداسى (رەكتورى اقىلبەك كۇرىشباەۆ) كۇمىس جۇلدەنى يەلەندى. قولا جۇلدە م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى كومانداسىنا (رەكتورى جۇماحان مىرحالىقوۆ) بۇيىردى.

تاعىدا

ۇقساس جاڭالىقتار

پىكىر ۇستەۋ

Back to top button