ەقىۇ باقىلاۋشىلارىمەن كەزدەستى
استانا اكىمىنىڭ ورىنباسارى ەرمەك امانشاەۆ ەلورداداعى ەلەكتورالدىق ناۋقانعا ەقىۇ ميسسياسىنان تىركەلگەن باقىلاۋشىلارمەن كەزدەستى.
كەزدەسۋ بارىسىندا باقىلاۋشىلار 2015 جىلعى 26 ساۋىرگە تاعايىندالعان كەزەكتەن تىس پرەزيدەنت سايلاۋىنا دايىندىق بارىسىندا قالا اكىمدىگىندە اتقارىلىپ جاتقان جۇمىستارعا قىزىعۋشىلىق ءبىلدىردى. بۇل رەتتە قالا اكىمىنىڭ ورىنباسارى سايلاۋ تۋرالى كونستيتۋتسيالىق زاڭعا سايكەس, اكىمدىك سايلاۋ ۋچاسكەلەرىن قۇرۋ مەن شەكاراسىن انىقتاۋعا, ولاردىڭ ماتەريالدىق-تەحنيكالىق جاراقتاندىرىلۋىنا, زالدىڭ بەزەندىرىلۋى مەن داۋىس بەرۋ جاشىكتەرىنىڭ بولۋىنا, ۇمىتكەرلەردىڭ ءومىربايانى جازىلعان ستەندتەردىڭ ىلىنۋىنە جاۋاپتى ەكەنىن ەسكەرتتى.
بۇگىنگى تاڭدا استانادا 189 سايلاۋ ۋچاسكەسى جۇمىس ىستەيدى. سونىمەن بىرگە ەلشىلىكتەردە جانە شەتەلدىڭ ديپلوماتيالىق ميسسيالارىندا
65 ۋچاسكە ورنالاسقان. ەقىۇ ميسسياسىنان تىركەلگەن باقىلاۋشىلار ەلوردادا سايلاۋ اياقتالعانعا دەيىن بولاتىندارىن ايتتى.
– ءبىزدىڭ ارامىزدا بارلىعى 35 باقىلاۋشى بار. ولاردىڭ 12-ءسى – استانادا, قالعاندارى ايماقتاردا جۇمىس ىستەپ جاتىر. ءبىز سايلاۋعا دايىندىق جۇمىستارىن باقىلاپ, ەلەكتورالدى ناۋقانعا قاتىسۋشىلارمەن جانە ۇمىتكەرلەرمەن, ۇكىمەتتىك ەمەس ۇيىمداردىڭ جانە بۇقارالىق اقپارات قۇرالدارىنىڭ وكىلدەرىمەن كەزدەسۋدەمىز, – دەدى رۋمىنيادان كەلگەن باقىلاۋشى راۋل ميۋرسان.
گۇلبارشىن وكەشقىزى