ەرەن تىكۇشاق – ەۋروكوپتەر 645 ت2
ەلوردادا «ەۋروكوپتەر قازاقستان ينجينيرينگ» كومپانياسىنىڭ «ەس 645 ت2» جاۋىنگەرلىك تىكۇشاعىنىڭ تانىستىرىلىمى ءوتتى.
ەۋروپانىڭ اسكەري عالىمدارى جاساعان تىكۇشاقتى بيىك تاۋلى ايماقتاردا جانە جانجالدى ايماقتاردا پايدالانۋعا بولادى. تىكۇشاق وپتيكالىق جۇيەمەن, قاشىقتىقتى ءولشەيتىن لازەرلىك قۇرىلعىمەن, باسقارىلاتىن جانە باسقارىلمايتىن زىمىراندارمەن, ءىرى كاليبرلى زەڭبىرەكپەن جابدىقتالعان.
ەڭ جوعارى جىلدامدىعى – ساعاتىنا 268 شاقىرىم. ۇشۋ قاشىقتىعى – 663 كيلومەتر. ونىڭ سەريالىق ءوندىرىسى الەمنىڭ بىردە-ءبىر ەلىندە باستالماعان. جالپى تىكۇشاقتار گەرمانيا مەن فرانتسيادا شىعارىلادى. اتالعان ەلدەردەن الىنعان جيىنتىق جابدىقتار نەگىزىندە استانا دا تەك قۇراستىرۋ جۇمىستارى جۇرگىزىلەدى. كومپانيانىڭ كوممەرتسيالىق ديرەكتورى كارىباي ابلەزوۆتىڭ ايتۋىنشا, قازاقستانعا تىكۇشاق كەلەسى جىلى جەتكىزىلمەك.
گۇلميرا ايماعانبەت