ەل تىنىسى

ەرىكتىلەر ەسىرتكى جارنامالارىن جويدى

«ەSIRTKIGE JOL JOQ» جوباسى اياسىندا ەلوردالىق پوليتسەيلەر «استانا جاستارى» جاستار رەسۋرستىق ورتالىعىنىڭ ەرىكتىلەرىمەن بىرگە ەسىرتكى زاتتارىن جارنامالايتىن قالاداعى تۇرعىن ۇيلەر مەن عيماراتتاردىڭ سىرتىنداعى جازۋلاردى بوياۋ اكتسياسىن وتكىزدى.

ءىس-شارا اياسىندا ەرىكتىلەر توبى پوليتسەيلەرمەن بىرگە ىقىلاس دۇكەنۇلى مەن «اتىراۋ» كوپىرى اۋماعىنداعى نىسانداردى تەكسەردى. اكتسيا بارىسىندا ەرىكتىلەر ءتيىستى مەكەنجايلاردى انىقتاپ, سينتەتيكالىق ەسىرتكىنى جارنامالايتىن Telegram bot سىلتەمەسى بار جازۋلاردى بويادى. سونداي-اق بەلسەندىلەر قالا تۇرعىندارىنا ەسىرتكىنىڭ زيانى تۋرالى اقپاراتتىق بۋكلەتتەر تاراتتى.

اكتسيا ديسپانسەرلىك ەسەپتە تۇرعان ەسىرتكىگە تاۋەلدى ادامداردىڭ سانىن ازايتۋعا باعىتتالدى. استانا قالاسى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ اعا جەدەل ۋاكىلى ءاليا كيباتقىزى اسىرەسە 14 مەن 35 جاس اراسىنداعى ەسىرتكىگە ءۇيىر جاستاردىڭ ۇلەسىن ازايتۋ كەرەكتىگىن اتادى. ونىڭ ايتۋىنشا, ەسىرتكى ساتۋ جارناماسىنا قارجى تابۋ ماقساتىمەن جۇگىنەتىن جاسوسپىرىمدەر ءجيى الدانادى.

استانا قالاسىنىڭ پوليتسيا دەپارتامەنتى جىل باسىنان بەرى زاڭسىز ەسىرتكى اينالىمىنا قاتىستى 230-عا جۋىق قۇقىق بۇزۋشىلىق دەرەگىن انىقتادى. ونىڭ 40-قا جۋىعىنا قىلمىستىق ءىس قوزعالسا, 33-ءى ەسىرتكى زاتىن زاڭسىز ساتۋ ىسىمەن اينالىستى. سونىمەن قاتار بارلىعى 30 كگ-نان اسا ەسىرتكى تاركىلەندى. ونىڭ ىشىندە سينتەتيكا, ماريحۋانا, گاشيش, گەروين سەكىلدى زاتتار بار.

ەسىرتكىگە قارسى اكتسيا 2020 جىلدان بەرى جىل سايىن جۇرگىزىلىپ كەلەدى.  ال ەلوردالىق پوليتسيا دەپارتامەنتى ەرىكتىلەرمەن بىرگە اكتسيا اياسىندا وسىمەن ءۇشىنشى رەت رەيد جۇرگىزدى.

تاعىدا

ينديرا بەرجانوۆا

«استانا اقشامى» گازەتىنىڭ ءتىلشىسى

ۇقساس جاڭالىقتار

پىكىر ۇستەۋ

Back to top button