«ءۇي مەنىكى دەمە, ءۇي ارتىندا كىسى بار». وكىنىشكە قاراي, مۇنداي قاعيدانى ەسكەرمەيتىن تۇرعىندار جەتەرلىك. كورىنگەن جەرگە تەمەكى تۇقىلىن لاقتىرا سالادى, اۋلانى شەمىشكەنىڭ قابىعىمەن لاستايدى. اسىرەسە, قوقىستى بىردەن شىعارماي, پاتەرىنىڭ الدىنا قويعان كۇيى ۇمىتىپ كەتەتىندەر كوپ ەكەن. سوڭعىسى دا ايىپپۇل تولەۋگە مىندەتتەيتىن قۇقىق بۇزۋشىلىق سانالاتىنىن بىرەۋ بىلسە, بىرەۋ بىلمەس. بۇزاقىلاردى انىقتاپ, زاڭدى ءتۇسىندىرۋ ماقساتىندا استانا قالاسى ءىىد جەرگىلىكتى پوليتسيا قىزمەتى كەزەكتى رەيدكە شىقتى.
ۋچاسكەلىك ينسپەكتورلار س.تورايعىروۆ پەن س. سەيفۋللين كوشەلەرىنىڭ قيىلىسىندا ورنالاسقان ۇيلەردى ارالاپ, ۇساق بۇزاقىلىقتارعا «مۇلدەم توزبەيتىندىكتەرىن» كورسەتتى. ءبىر عانا كۇندە وسى اۋدان بويىنشا 15 ازامات قر اكىمشىلىك قۇقىق بۇزۋشىلىق تۋرالى كودەكسىنىڭ 434-بابىن بۇزعانى انىقتالدى. ياعني, بەلگىلەنبەگەن ورىنداردا كوممۋنالدىق قالدىقتاردى تاستاعانى ءۇشىن وقيعا ورنىندا اكىمشىلىك حاتتاما تولتىرىلىپ, تارتىپكە باعىنباعاندارعا 10 ايلىق ەسەپتiك كورسەتكiش مولشەرiندە ايىپپۇل سالىندى. زاڭ بويىنشا ولارعا 10 تاۋلiككە دەيiنگi مەرزiمگە اكiمشiلiك قاماۋ جازاسى دا قاراستىرىلعان. بۇل ارەكەتتى بiر جىل iشiندە قايتالاعاندار 15 تاۋلiككە دەيiنگi مەرزiمگە اكiمشiلiك قاماۋعا الىنادى.
«وسىنداي زاڭسىزدىقتاردى كۇندە دەرلىك انىقتايمىز. مەن قارايتىن اۋماقتا وسى باپ بويىنشا كوبىنە جانگەلدين, ايماۋىتوۆ, ش.ايمانوۆ كوشەلەرىندەگى جاتاقحانا مەن جەكە سەكتورلار قولعا تۇسەدى. جىل باسىنان بەرى قالالىق جەرگىلىكتى پوليتسيا قىزمەتى «ۇساق بۇزاقىلىق» بويىنشا 2600 فاكتىنى تىركەدى. ونىڭ 300-ءى اكىمشىلىك قاماۋعا الىنسا, قالعانى ايىپپۇل تولەدى» دەيدى ۋچاسكەلىك ينسپەكتور, لەيتەنانت ابزال ابىلداەۆ.
ال, قوقىس قالدىقتارىن كونتەينەرگە جەتكىزبەي لاقتىرعاندار ءۇشىن اتالمىش كودەكستىڭ 505-بابىندا بولەك جازا قاراستىرىلعان. اباتتاندىرۋ ەرەجەسىن بۇزعان ازاماتتارعا 20 ايلىق ەسەپتىك كورسەتكىش مولشەرىندە ايىپپۇل سالىنادى. بيىل پوليتسەيلەر بۇل باپ بويىنشا 14 مىڭ اكىمشىلىك حاتتاما تولتىرعان.
ءمادينا جاقىپ
