استانا قالاسىنداعى «وتان قورعاۋشىلار» مونۋمەنتى الاڭىندا 1995 جىلى تاجىك-اۋعان شەكاراسىنداعى ءبىتىمگەرشىلىك ميسسياسىن ورىنداۋ بارىسىندا ەرلىكپەن قازا تاپقان قازاقستاندىق جاۋىنگەرلەردى ەسكە الۋ ءراسىمى ءوتتى.
سالتاناتتى شارانى قازاقستان رەسپۋبليكاسى پرەزيدەنتىنىڭ كومەكشىسى, قاۋىپسىزدىك كەڭەسىنىڭ حاتشىسى نۇرلان ەرمەكباەۆ اشىپ, وسىدان 20 جىل بۇرىن تاجىكستان مەن اۋعانستان شەكاراسىندا قىزمەت اتقارعان قازاقستاندىق جەتىنشى روتا جاۋىنگەرلەرى توسىن شابۋىل جاسالىپ, ونىڭ بارىسىندا جەرلەستەرىمىزدىڭ ەرەكشە ەرلىك كورسەتكەنىن اتاپ ءوتتى. اتاپ ايتقاندا, پشيحاۆر شاتقالىنداعى اۋىر شايقاستا 17 قازاق جاۋىنگەرى ەرلىكپەن قازا تاپسا, بىرنەشە اسكەري جاراقات العان بولاتىن.
وسىلايشا اقتىق دەمى تاۋسىلعانشا اسكەري مىندەتىن ابىرويمەن اتقارعان ەرجۇرەك جاۋىنگەرلەرگە تاعزىم ەتۋ ۇلتتىق ۇلان ساربازدارىنىڭ يگى داستۇرىنە اينالىپ وتىر.
تۇرماعامبەت كەنجەباەۆ
