مادەنيەت

ەرتەگى الەمىنە جەتەلەدى

استانا قالاسى اكىمدىگىنىڭ مۋزىكالىق جاس كورەرمەن تەاترى بالالارعا بازارلىق رەتىندە «كۇن استىنداعى كۇنەكەي قىز» مۋزىكالىق ەرتەگىسىن ۇسىندى. ەرتەگىنىڭ ينستسەنيروۆكاسىن جاساعان – قازاق­ستاننىڭ ەڭبەك سىڭىرگەن قايراتكەرى اسحات ماەميروۆ, قويۋشى رەجيسسەرى – دانيار بازارقۇلوۆ.

– بۇل ەرتەگىدە ۇلكەن فيلوسوفيا جاتىر. ماسەلەن, قازاقتا قازان قاسيەتتى بولىپ سانالادى. قويى­لىمدا سول سياقتى قازان دەيتىن كەيىپكەر بار. ءبىز بۇل ەرتەگى ارقىلى قازاقتىڭ باتىرلارىن كورسەتتىك. ال كۇنەكەي – ماحابباتتىڭ, نازىكتىكتىڭ سيمۆولى. قازاق قىزىنىڭ بويىنداعى اسىل قاسيەتتەردى كۇنەكەي ارقىلى كورسەتۋگە تىرىس­تىق. باستى ماقساتىمىز – ەرتەگى ارقىلى بالالارعا اقىل ايتۋ ەمەس, ولاردىڭ كوڭىلىن كوتەرىپ, قازاقتىڭ بولمىسىن تانىتۋ, جاماندىق پەن جاقسىلىقتىڭ, ادالدىق پەن ارامدىقتىڭ اراجىگىن اجىراتا ءبىلۋدى ۇيرەتۋ, – دەيدى دانيار بازارقۇلوۆ.

ەرتەگىدە كۇنەكەي بەينەسىن ­اكتريسا جانسۇلۋ تولەگەن سومدادى.

«بۇل وبراز ماعان قاتتى ۇنادى. قويىلىمدا ونىڭ جاسى 13-14 شاماسىندا. ول حاننىڭ قىزى بولعاندىقتان ەركە, مىنەزى قۇبىلمالى. ماعان ونى سومداۋ وتە قىزىق بولدى» دەيدى اكتريسا.

جايىق باتىردىڭ اتا-اناسىن تاسقا اينالدىرعان قاراحاننىڭ زۇلىم كۇشىنە جايىق باتىر قارسى تۇرا الادى ما؟ دوستىق پەن ادالدىقتى سەرىك ەتكەن جايىق باتىردىڭ ەرلىگى نەمەن ولشەندى؟ كۇنەكەي قىز جايىق باتىرمەن ەرىپ كەتەدى مە؟ قيال-عاجايىپقا تولى «كۇن استىنداعى كۇنەكەي قىز» مۋزىكالىق ەرتەگىسىن تاماشالاۋ ارقىلى ءار بالا وسى سۇراقتارعا جاۋاپ تابا الادى.

تاعىدا

ۇقساس جاڭالىقتار

پىكىر ۇستەۋ

Back to top button