«نۇر وتان» پارتياسىنىڭ قولداۋىمەن «الماتى بيزنەس كونسالتينگ» جاۋاپكەرشىلىگى شەكتەۋلى سەرىكتەستىگى «دۋمان» ويىن-ساۋىق ورتالىعىندا «باقىتتى بالالىق شاق» اتتى مەرەكەلىك باعدارلاما ۇيىمداستىردى.
بۇل شارا بارىسىندا بالالار ەرتەگى ەلىنە ساياحاتتاپ, سۇيىكتى مۋلفيلمدەرىنىڭ كەيىپكەرلەرىمەن كەزدەستى. بالدىرعانداردىڭ كوڭىلىن كوتەرىپ, قىزىققا كەنەلتۋ ءۇشىن 30 انيماتور ارنايى شاقىرىلىپتى. بۇلدىرشىندەر جاقسى كورەتىن سايقىمازاقتار دا وسىندا. كىشكەنتاي كورەرمەندەر «كۇلكى ەلى», «كرياكلانديا», «سيقىرلى ورمان», «قۋانىش پاتشالىعى» الەمىنە ساپار شەگىپ, وزدەرىنە ارنالعان تەاترلاندىرىلعان قويىلىمدى تاماشالادى. اتا-انالارىمەن بىرگە اسفالتتا سۋرەت سالىپ, سيقىرلى فيلەشموبقا قاتىستى.
«نۇر وتاننىڭ» وكىلى مۇحتار بايماعۇلوۆتىڭ ايتۋىنشا, پارتيانىڭ كوپبالالى جانە تۇرمىسى تومەن وتباسىلاردى, مۇگەدەك جانداردى قولداۋعا ارنالعان «باقىتتى بالالىق» جانە «كەدەرگىسىز كەلەشەك» اتتى ەكى جوباسى بار. وسى جوبالاردىڭ اياسىندا وتكىزىلگەن شاراعا الەۋمەتتىك از قامتىلعان توپتىڭ بالالارى تەگىن شاقىرىلىپ, باعدارلامانىڭ سوڭىندا «دۋمانداعى» وكەاناريۋمدى ارالادى.
قىمبات نۇرعالي
