Sport

فۋتبول – ميلليوندار ويىنى

b1f36a10

وتكەن جەكسەنبىدە ەلوردادا فۋتبول كۇنى اتالىپ ءوتىلدى. استانا قالاسى اكىمدىگى مەن قالالىق فۋتبول فەدەراتسياسى ۇيىمداستىرعان شاراعا ارداگەر فۋتبولشىلار, جاسوسپىرىمدەر مەن بالالار قاتىستى.

ق.مۇڭايتپاسوۆ اتىنداعى ستاديونعا جينالعان فۋتبول سۇيەر قاۋىم ەلوردا اتىنان قازاقستان چەمپيوناتىنىڭ پرەمەر ليگاسىندا ونەر كورسەتەتىن «استانا» جانە ءبىرىنشى ليگا بىرىنشىلىگىنە قاتىساتىن «بايتەرەك» كوماندالارى وكىلدەرىمەن كەزدەستى. فۋتبول مەرەكەسىنە ارنالعان شارا بارىسىندا جانكۇيەرلەر استانا قالاسى بىرىنشىلىگىنىڭ جەڭىمپازى – «پروگرەسس» پەن قاراعاندى وبلىسىنىڭ چەمپيونى» «گەفەست» كوماندالارى اراسىنداعى جولداستىق ماتچتى تاماشالادى. بالالار مەن جاسوسپىرىمدەر كوماندالارى ءۇشىن دە سايىستار ۇيىمداستىرىلدى.
بۇگىنگى تاڭدا استانادا فۋتبولدى دامىتۋعا ايرىقشا ماڭىز بەرىلىپ وتىر. اتاپ ايتقاندا, «استانا» جانە «بايتەرەك» كلۋبتارىندا جاس فۋتبولشىلاردى دايارلاۋ ورتالىقتارى ىسكە قوسىلعان. جالپى, قالا بويىنشا 10 فۋتبول قۇراماسى جۇمىس جۇرگىزەدى. شاعىن فۋتبولمەن اينالىسۋشىلار سانى دا ارتىپ كەلەدى. جابىق الاڭداردا وينايتىن كوماندالاردى ەسەپكە العاندا قالا بويىنشا 90-عا جۋىق كاسىبي ەمەس كوماندالار بار. بيىل ەلوردادا تاعى ءبىر بالالار فۋتبول ورتالىعى اشىلدى.

تاعىدا

ۇقساس جاڭالىقتار

پىكىر ۇستەۋ

Back to top button