جاڭالىقتار
گەننادي گولوۆكينگە ارنالعان ماركا شىعارىلدى
«قازپوشتا» اق قازاقستاندىق بوكسشى گەننادي گولوۆكينگە ارنالعان بەس ماركادان تۇراتىن پوشتالىق توپتامانىڭ اينالىمعا ەنگىزىلگەنى تۋرالى حابارلايدى.
الەمدەگى ەڭ اتاقتى بوكسشىلاردىڭ ءبىرى پوشتالىق ماركاعا شىعارىلدى. «سپورت» سەرياسىنىڭ «قازاقستان چەمپيوندارى. گەننادي گولوۆكين» تاقىرىبىنداعى بەس ماركادان تۇراتىن پوشتالىق توپتاما 4 بوياۋدان تۇراتىن وفسەتتىك باسپامەن ورىندالعان. سۋرەتشىسى ك.پلۋجنيكوۆا, توپتامادا بوياۋلاردى قورعايتىن ۋف – بەكىتۋ ەلەمەنتتەرى پايدالانىلعان. توپتامانىڭ ولشەمى – 130ح111 مم. توپتاماداعى ماركالاردىڭ ولشەمدەرى – 52 ح 37 مم, 26 ح 37 مم, 26 ح 37 مم, 26 ح 34 مم, 26 ح 34 مم.پوشتالىق ماركالار «قازاقستان رەسپۋبليكاسى ۇلتتىق بانكىنىڭ بانكنوت فابريكاسى» رەسپۋبليكالىق مەملەكەتتىك كاسىپورىندا باسىپ شىعارىلعان.