گەرمانيادان جەتكەن سىيلىق
كەشە ناۋرىز مەرەكەسىنە وراي استاناداعى №1 مامانداندىرىلعان بالالار ەمحاناسىنا تىركەلگەن بالدىرعاندار توسىن سىيلىققا يە بولدى. بۇل تارتۋدى ولارعا گەرمانيادا تۇراتىن قۇربىلارى بەرىپ جىبەرىپتى.
نەمىس بالالارى جىل سايىن ارنايى سىيلىقتار ءازىرلەپ, ونى الەمنىڭ ءار تۇكپىرىندە تۇراتىن مۇمكىندىگى شەكتەۋلى بالدىرعاندارعا بەرىپ جىبەرەدى ەكەن. وسى جولى بۇل توسىن سىي ەمحانانىڭ ديسپانسەرلىك ەسەبىندە تۇرعان 15 بۇلدىرشىنگە بۇيىردى.
بالالاردىڭ قۋانىشى مۇنىمەن عانا شەكتەلگەن جوق. ەمحانا ۇجىمى ولارعا ناۋرىز مەرەكەسىن دە ۇيىمداستىرىپ بەردى. بالدىرعاندار مۋزىكا ىرعاعىمەن بي بيلەپ, ادەمى اندەردىڭ اۋەنىنە بولەندى.
جۇرتشىلىقتى №1 قالالىق ەمحانانىڭ باس ءدارىگەرى كۇلجان اناسوۆا جانە بالالارعا ارنالعان مامانداندىرىلعان ەمحانانىڭ مەڭگەرۋشىسى گالينا مۋن قۇتتىقتاپ, ءجۇرەكجاردى لەبىزىن ءبىلدىردى.
ۇلىستىڭ ۇلى كۇنى قارساڭىندا بالالار پسيحولوگ-مامانمەن بىرلەسىپ, جەتى ءتۇرلى داننەن ءارتۇرلى زاتتاردىڭ سۋرەتىن سالدى.
ەركەجان ساتىمبەك