مادەنيەت

حالىق ويىندارىنىڭ قىزىقتارى

ەل تاۋەلسىزدىگىنىڭ 25 جىلدىعى قۇرمەتىنە «جاستار» سارايىندا  حالىق ويىندارىنىڭ ءىى قالالىق فەستيۆالى ءوتتى. 

«ۇلكەن ەل – ۇلكەن وتباسى» جالپىۇلتتىق جوباسى شەڭ­بەرىندەگى ءىس-شارانىڭ ۇيىمداستىرۋشىلارى – استانا قالاسى قازاقستان حالقى اسسامبلەياسى مەن اكىمدىككە قاراستى «قوعامدىق كەلىسىم» مەكەمەسى.
– بىلتىر العاش رەت وتكەن بۇل فەستيۆال استانالىقتاردىڭ كوڭىلى­نەن شىعىپ, بيىل «حالىق ويىندارىنا» قىزىعۋشىلىق تانىتقاندار قاتارى كوبەيە ءتۇستى. ماسەلەن بۇگىن كۇرد, قىر­عىز, وزبەك, تاتار, باشقۇرت, نەمىس, بەلارۋس سىندى ەتنو­مادەني بىرلەستىكتەر مەن ەل­ور­دالىق اۋلا كلۋبتارىنىڭ وقۋشىلارىنان قۇرالعان 7 توپ قاتىسادى. بۇل – بالالاردىڭ كوڭىلىن كوتەرەتىن ويىندار عانا ەمەس, ءار ۇلتتىڭ مادە­نيەتى ارقىلى جاس بۋىن­دى ىنتىماق-بىرلىككە ءتار­بيە­لەيتىن تاعىلىمدى ءجۇز­دەسۋ» دەيدى استانا قالاسى قازاقستان حالقى اسسامبلەيا حات­شىلىعىنىڭ مەڭگەرۋشىسى ءلاززات قۇسايىنوۆا.
باعدارلاما بارىسىندا قازاق­تىڭ اسىق پەن ارقان تارتىسى, سونداي-اق, باشقۇرتتاردىڭ «جۇمىرتقانى قاسىققا سالىپ جۇگىرۋ», بەلارۋستەردىڭ «كارتوپ وتىرعىزۋ», تاجىك حالقىنىڭ «اسپاكبوزي» سىندى ويىندارى ويناتىلدى. ال, مەرەكەلىك ساحنادا قازاقستان, تۋعان جەر تاقىرىبىنداعى پاتريوتتىق اندەر شىرقالىپ, ۇلتتىق بيلەر كورىنىس تاپتى.

ءمادينا جاقىپ

تاعىدا

ۇقساس جاڭالىقتار

پىكىر ۇستەۋ

Back to top button