كەشە استانا قالاسىنىڭ اكىمى ادىلبەك جاقسىبەكوۆ پەن «دامۋ» كاسىپكەرلىكتى دامىتۋ قورى» اق-نىڭ باسقارما توراعاسى قانىش تولەۋشين شاعىن جانە ورتا كاسىپكەرلىكتى قولداۋ باعدارلاماسىن ىسكە اسىرۋ باعىتىندا ىنتىماقتاستىق ورناتۋ تۋرالى مەموراندۋمعا قول قويدى.
مەموراندۋم اياسىندا اكىمدىك پەن «دامۋ» قورى شاعىن جانە ورتا بيزنەس سالاسىندا ستارتاپ-جوبالاردى قولداۋ جونىندەگى جاڭا باعدارلامانى جۇزەگە اسىرۋعا 2 ملرد. تەڭگە (ارقايسىسى 1 ملرد. تەڭگەدەن) بولمەك. قارجى ەكىنشى دەڭگەيلى بانكتەر ارقىلى بەرىلەدى. قارجىلىق قولداۋ كورسەتۋ كەزىندە ەشقانداي سالالىق شەكتەۋ قويىلمايدى ەكەن. بۇل جاڭا مەموراندۋمعا استانا قالاسى اكىمدىگىنىڭ جانە «اتامەكەن» ۇلتتىق پالاتاسىنىڭ ەلوردالىق شاعىن جانە ورتا بيزنەستى قارجىلاندىرۋ تۋرالى الدىن الا كەلىسىمى اياسىندا قول جەتكىزىلدى.
قالادا كاسىپكەرلىك ورتانى جەتىلدىرۋ بويىنشا بارلىق قاجەتتى جاعدايلار جاسالعان. سونداي-اق, مەملەكەتتىك-جەكە مەنشىك ارىپتەستىك ۇستانىمدارىمەن بيزنەس-كليماتتى جاقسارتۋ بويىنشا تۇراقتى جۇمىستار ءجۇرگىزىلۋدە. بۇگىنگى كۇنى استانانىڭ ءجوو-دەگى شاعىن جانە ورتا بيزنەستىڭ ۇلەسى 61 پايىزعا جەتكەن. بۇل رەسپۋبليكالىق كورسەتكىشتەن ءۇش ەسەگە ارتىق. استانا نەسيەلەردى كەپىلدەندىرۋ بويىنشا رەسپۋبليكادا ءبىرىنشى ورىندا, سۋبسيديالاۋدان ەكىنشى ورىندا تۇر. سونىمەن قاتار, كاسىپكەرلىك سەكتورىندا سالىقتار ەسەبىنەن تۇسەتىن تۇسىمدەر دە وڭ ناتيجەسىن بەرۋدە. قازىرگى كەزدە جەرگىلىكتى بيۋدجەتكە تۇسەتىن سالىقتىڭ 65%-ى ەلوردالىق شاعىن جانە ورتا بيزنەستىڭ ۇلەسىندە.
شاعىن جانە ورتا بيزنەس سالاسىندا ستارتاپ-جوبالاردى قولداۋ يدەياسىن استانا قالاسىنىڭ ۇلتتىق كاسىپكەرلەر پالاتاسى وتكىزگەن ءىىى جىل سايىنعى كونفەرەنتسياسىندا ەلوردا باسشىسى ۇسىنعان بولاتىن. جاڭا باعدارلاماعا, قولدانىستاعى مەملەكەتتىك باعدارلامالارعا قاتىسۋ مۇمكىندىگى ەكونوميكانىڭ باسىمدى سالالارىنىڭ تىزىمىنە ەنبەگەن كاسىپكەرلەرگە ۇسىنىلادى. نەسيەنىڭ ەڭ كوپ سوماسى –50 ملن تەڭگەگە دەيىن. ال سىياقى مولشەرلەمەسى – جىلدىق 7,9 پايىز شاماسىندا, نەسيە مەرزىمى – 7 جىلعا ەسەپتەلگەن. جوبالاردى ىرىكتەۋدى وڭىرلىك كاسىپكەرلەر پالاتاسى جۇزەگە اسىرماقشى.
ايتا كەتەيىك, قازىرگى كەزدە ەلوردادا شاعىن جانە ورتا بيزنەسكە قوسىمشا قولداۋ كورسەتۋ جانە دامىتۋ ماقساتىندا «دامۋ» قورىمەن بىرلەسىپ 29 جاسقا دەيىنگىلەر قاتىسا الاتىن جاستار كاسىپكەرلىگىن دامىتۋ باعدارلاماسى مەن ساۋدا سالاسىن ماقساتتى نەسيەلەۋ بويىنشا باعدارلامالار جۇزەگە اسىرىلۋدا. اتالعان باعدارلامالار اياسىندا قارجىنى يگەرۋ 100 پايىزدى كورسەتكەن, ولاردى جۇزەگە اسىرۋ جۇمىستارى ودان ءارى جالعاسپاق.
مەڭدوللا نۇرىمۇلى
