«كاZsport» قانات قاقتى
كەشە «قازمەديا» ورتالىعىندا «كاZsport» مەملەكەتتىك تۇڭعىش سپورت تەلەارناسىنىڭ اشىلۋ ءراسىمى ءوتتى.
سالتاناتتى شاراعا بەلگىلى قازاقستاندىق سپورتشىلار, وليمپيادا ويىندارىنىڭ چەمپيوندارى, حالىقارالىق جانە رەسپۋبليكالىق سپورت جارىستارىنىڭ جەڭىمپازدارى, سپورت ارداگەرلەرى قاتىستى.
تەلەارنانىڭ الاۋى جاعىلار ساتتە ساحناعا قازاق سپورتىنىڭ ءتورت بۋىنىنان وكىلدەر شىعارىلدى. الدىڭعى بۋىن وكىلى رەتىندە گرەك-ريم كۇرەسىنەن 1980 جىلعى ماسكەۋ وليمپياداسىنىڭ چەمپيونى جاقسىلىق ۇشكەمپىروۆ ءسوز سويلەدى. بالۋانمەن بىرگە بۇگىنگى ءماجىلىس دەپۋتاتى, 2000 جىلعى سيدنەي وليمپياداسىندا چەمپيون اتانعان ولگا شيشيگينا, ەكى ءدۇركىن وليمپيادا چەمپيونى يليا يلين, شاحماتتان وقۋشىلار اراسىندا ءتورت دۇركىن الەم چەمپيونى ءبيبىسارا اساۋباەۆالار تەلەارنا الاۋىن تۇتاتتى, ىستىق لەبىزدەرىن ءبىلدىردى.
شارا اياقتالىسىمەن «كاZsport» ارناسىنىڭ باسشىسى دياس احمەتشارىپ جۋرناليستەر سۇراعىنا جاۋاپ بەردى. ونىڭ ايتۋىنشا, «كاZsport» تەلەارناسىنىڭ تارالىم اۋقىمى قازاقستاندىق كورەرمەندەردىڭ 70 پايىزىن قامتيتىن بولادى. ءسوزىن جالعاي كەلە ول: «ارنا تاۋلiگiنە 20 ساعات حابار تاراتادى جانە ەفيرلiك كەستەمiزگە ساي قازاقستاننىڭ iشكi جارىستارىمەن قاتار, شەتەلدiك iرi دودالاردى دا تiكەلەي ەفيردە ترانسلياتسيالايمىز. ول جالپى باعدارلامالاردىڭ 70 پايىزىن قۇرايتىن بولادى, قالعان 20 پايىزىن – جاڭالىقتار, iشكi ءونiم, باعدارلامالار, 10 پايىزىن دەرەكتi فيلمدەر قۇرايدى» دەدى.
تەلەارناداعى باعدارلامالاردىڭ 50 پايىزى – ورىس, 50 پايىزى قازاق تىلىندە جارىق كورەدى.
ەربول جانات