قازاقستان رەسپۋبليكاسى Cپورت جانە دەنە شىنىقتىرۋ ىستەرى اگەنتتىگى مەن رەسپۋبليكالىق مادەنيەت, سپورت جانە اقپارات كاسىپوداعىنىڭ سالالىق كەلىسىمگە قول قويۋ ءراسىمى ءوتتى.
سالتاناتتى راسىمگە قازاقستان رەسپۋبليكاسىنىڭ سپورت جانە دەنە شىنىقتىرۋ ىستەرى اگەنتتىگى توراعاسىنىڭ ورىنباسارى تاستانبەك ەسەنتاەۆ, رەسپۋبليكالىق مادەنيەت, سپورت جانە اقپارات قىزمەتكەرلەرىنىڭ كاسىپوداق كەڭەسىنىڭ ءتورايىمى سۆەتلانا يمانقۇلوۆا, قازاقستان رەسپۋبليكاسى كاسىپوداقتارى فەدەراتسياسىنىڭ استانا قالاسى كاسىپوداقتارى كەڭەسىنىڭ توراعاسى سارسەنباي مىڭباەۆ جانە كاسىپوداق اكتيۆتەرى قاتىستى.
قازاقستان رەسپۋبليكاسى ەڭبەك كودەكسىنە سايكەس 2013-2016 جىلدارعا ارنالعان سالالىق كەلىسىم سپورت جانە دەنە شىنىقتىرۋ ىستەرى ەڭبەك ۇجىمدارى مۇشەلەرىنىڭ الەۋمەتتىك-ەكونوميكالىق, شىعارماشىلىق مۇددەلەرى مەن قۇقىعىن قورعايتىن بولادى. سونداي-اق, تاراپتار الەۋمەتتىك ارىپتەستىكتى جاقسارتۋعا, سپورت جانە دەنە شىنىقتىرۋ سالاسىنداعى الەۋمەتتىك-ەڭبەك قاتىناستارىن رەتتەۋگە, مىندەتتەمەلەردى ۋاقىتىلى جانە تولىققاندى ورىنداۋعا قول جەتكىزۋگە كەلىستى.
اتالعان كەلىسىمنىڭ نەگىزگى ەرەجەلەرى سپورت جانە دەنە شىنىقتىرۋ ۇيىمدارىندا جاسالاتىن ۇجىمدىق شارتتاردى كەلىسىمدەرگە كىرگىزۋ ءۇشىن مىندەتتى بولىپ تابىلادى.
التىناي بايداقوۆا,
ا.بايتۇرسىنوۆ اتىنداعى قمۋ-ءنىڭ 2-كۋرس ستۋدەنتى
