Sport

كەنيادان كەلگەندەر شاڭ قاپتىردى

كوپشىلىكتى بىرلىككە باستايتىن بۇقارالىق سپورتتىڭ ءبىرى – مارافون. سەنبى كۇنى استانادا ءداستۇرلى حالىقارالىق «Astana Marathon-2018» جارىسى سالتانات قۇردى. دۋماندى دودانى ەلوردا اكىمى باقىت سۇلتانوۆتىڭ ءوزى باستاپ بەردى.

استانا اسۋىن باعىندىرۋعا ەلىمىزدىڭ تۇك­پىر-تۇكپىرىنەن جانە شەت مەملەكەتتەردەن قاتىسۋشىلار ارنايى كەلدى. اتاپ ايتساق, گەرمانيا, رەسەي, جاپونيا, يتاليا, وزبەكستان, ءباا, شۆەتسيا, وڭتۇستىك كورەيا, ۇلىبريتانيا, اقش, قىر­عىزستان, فرانتسيا, تۇركيا, اۆستراليا, كەنيا, گرۋزيا, ليۋكسەمبۋرگ جانە يسپانيا مارافونشىلارى سىنعا ءتۇستى.
جارىس جولىنا 4661 ادام شىقتى. ونىڭ ىشىندە 830 ادام مارافوننىڭ مەرەيلى مەجەسى – 42,2 كيلومەترگە جۇگىرۋگە نيەت تانىتسا, 3831 ادام قىسقا قاشىقتىق – 10 كيلومەتردى قولاي كورىپتى. بىراق بۇلاردىڭ ءبارى ءوز شاقىرىمدارىن تولىق جۇگىرىپ شىعا المادى. ەڭ ۇزاققا 672 ادام جۇگىرسە, 10 كيلومەتردى 2895 ادام ەڭسەردى.
سونىمەن «ەحرو-2018» كورمە اۋماعىنان باستالعان جارىستىڭ مارەسىن ءبىرىنشى بولىپ كەنيادان كەلگەن جەل­­اياقتار كەستى. 42,2 شاقىرىمدى 2 ساعات 17 مينۋت 57 سەكۋندتا ارتتا قالدىرعان ەريك كەرينگ ۇزدىك بولدى. ەكىنشى ورىندى العان روبەرت گايتو دا – كەنيالىق. ءۇشىنشى بولىپ قازاق ءامىر بايتۋقانوۆ كەلدى.


ايەلدەر اراسىندا ءابسوليۋتتى چەمپيون بولعان دا – كەنيالىق. ونىڭ ەسىمى – سالينا دجەبەت. ەكىنشى ورىن – سونىڭ وتانداسى ليۋسي ندۋنگۋعا تيەسىلى. ءۇشىنشى – قىرعىزستاندىق يۋليا ­اندرەەۆا.
باس جۇلدەگە 905000 تەڭگە, كەز كەلگەن باعىتقا Air Astana بيلەتى, Astana Marathon سيمۆوليكاسىمەن Amir Watches ەكسكليۋزيۆتى ساعاتتارى تابىستالدى.
ال 10 كم قاشىقتىقتا تاعى دا سول كەنيالىقتار ەش­كىمدى ىلەستىرمەدى. جوعارىداعىداي ءبىرىنشى جانە ەكىنشى ورىندارعا جايعاستى: ەرلەردەن شادراك كوەچ پەن كەننەت روتيچ, ايەلدەردەن نوراح دجەرۋتو مەن دەيزي دجەمكەمەي. ال ءۇشىنشى ورىندا – ءوزىمىزدىڭ ازاماتتار الەكسەي گۋساروۆ پەن سۆەتلانا ساۋنينا.
بۇعان قوسا, جاس ەرەكشەلىكتەرىنە قاراي جەڭىمپازدار انىقتالدى. ونىڭ كوبىسى – قازاقستاندىقتار. بىراق بۇل مارافون الدىنا جان سالماعان كەنيادان كەلگەن جەلاياقتارمەن ەستە قالدى. سوندىقتان ءۇشىنشى كەلگەندەردىڭ ناتيجەسى التىنعا پارا-پار بولدى دەۋگە بولادى.

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button