«استانا ەكسپو-2017» ۇك» اق باسقارما توراعاسى تالعات ەرمەگياەۆ پاۆلودار وبلىسىنا جۇمىس ساپارى بارىسىندا ايماق باسشىسى قانات بوزىمباەۆپەن كەزدەسىپ, ءوڭىردىڭ ونەركاسىپ نىساندارىنىڭ جۇمىسىمەن تانىستى. ەكىجاقتى كەزدەسۋ بارىسىندا ۇلتتىق كومپانيا مەن پاۆلودار وبلىسى اكىمدىگى اراسىندا ىنتىماقتاستىق تۋرالى مەموراندۋمعا قول قويىلدى.
ءىس-شارالار قورىتىندىسى بويىنشا, سونىمەن قاتار «ەكسپو-2017» حالىقارالىق كورمەسىنە ارنالعان نىساندارىن سالاتىن باس مەردىگەرلەر مەن پاۆلودارلىق تاۋار وندىرۋشىلەرى اراسىندا ىنتىماقتاستىق تۋرالى توعىز كەلىسىمشارت نيەتتەمەسى ماقۇلداندى. ناقتىراق ايتساق, استانالىق «Mabco construction s.a.» قۇرىلىس فيرماسى جانە پاۆلودارلىق قارا جانە ءتۇستى مەتالل ونىمدەرىن شىعاراتىن «كاستينگ» بولات قۇيۋ زاۋىتى ءوزارا ارەكەتتەسۋ تۋرالى كەلىستى.
سونداي-اق ەكسپو نىساندارى قۇرىلىسىنىڭ باس مەردىگەرى «بازيس قك» كومپانياسى «قازبيتۋمقىزمەت» جانە «مۆي زاۋىتى» جشس-مەن ىنتىماقتاستىق تۋرالى مەموراندۋمدارعا قول قويدى. ءدال وسىنداي كەلىسىمگە ۇلتتىق كومپانيانىڭ باس مەردىگەرى «ابك قۇرىلىس-1» جانە پاۆلودارلىق «ستيرول» كومپانياسى, «قازەنەرگوكابەل» وتىردى. ەلوردالىق «ماگاستانا – ترانس» كومپانياسى «قازبيتۋمقىزمەت» زاۋىتىمەن, «ترەستساەم» اق كومپانياسى «قازەنەرگوكابەل» كومپانياسىمەن جانە «ساەم مقز» مەتالل قۇرىلمالارى زاۋىتىمەن ءوزارا ارەكەتتەستىك تۋرالى مامىلەگە قول قويدى. «سەمبول» قۇرىلىس كومپانياسى «رەمستروي» جشس-مەن ىنتىماقتاسۋ تۋرالى كەلىستى. بۇل – باستاما عانا. الداعى ۋاقىتتا قوس ءوڭىردىڭ كاسىپورىندارى قويان-قولتىق ەڭبەك ەتەتىن بولادى.
