– مەملەكەت باسشىسى قاسىم-جومارت توقاەۆ VIII سايلانعان قر پارلامەنتىنىڭ ءبىرىنشى سەسسياسىنىڭ اشىلۋىنداعى سويلەگەن سوزىندە قازاقستان ەكونوميكاسى عىلىمي جەتىستىكتەردى نەگىزگە الۋ كەرەكتىگى, سايلاۋ الدىنداعى ۋادەلەر مەن باعدارلامالاردى ورىنداۋدىڭ ماڭىزدىلىعىنا جانە جاڭا ۇكىمەتكە شەكارالاس اۋدانداردا قونىستانعىسى كەلەتىن ازاماتتارىمىز ءۇشىن تۇرعىن ءۇيدى ارزانداتۋ ماسەلەسىن شەشۋدىڭ جاڭا تاسىلدەرىن ازىرلەۋ قاجەتتىلىگىن اتاپ ءوتتى. بۇل ەلىمىزدە ساياسي-ەكونوميكالىق رەفورمالاردىڭ ناقتى ىسكە اسىرىلىپ جاتقاندىعىنىڭ بەلگىسى دەپ سانايمىن.
اسىرەسە, مادەنيەت سالاسىن وركەندەتۋ ءۇشىن جاڭا تۇجىرىمداما جاسالىپ جاتقانى – ەلىمىزدىڭ مادەني مۇراسىن ساقتاۋ, ناسيحاتتاۋ جانە ۇلتتىق بىرەگەيلىكتى نىعايتۋعا بايلانىستى جۇرگىزىلىپ جاتقان جۇمىستارعا ۇلكەن سەرپىلىس جانە مەملەكەت مۇددەسىنە ساي دەڭگەيگە كوتەرىلەتىنى ءسوزسىز!
پرەزيدەنتتىڭ «قازاقستاننىڭ حالىق ءارتىسى» اتاعىن قايتا قالپىنا كەلتىرۋ تۋرالى شەشىمى شىعارماشىل زيالى قاۋىمنىڭ كوكەيىندە جۇرگەن جايت ەدى. ول ەل اراسىندا ۇلكەن قولداۋعا يە بولاتىنى انىق.
كرەاتيۆتى يندۋسترياعا جۇيەلى قولداۋ كورسەتۋدىڭ ماڭىزدىلىعى – الەمدە تابىستى ەل بولۋدىڭ كەپىلى جانە ۇلتتىڭ جاڭا ساپاسىن قالىپتاستىراتىنى تۋرالى پرەزيدەنتىمىز قاسىم-جومارت توقاەۆتىڭ مىقتى ستراتەگيالىق قادامدارىنىڭ ءبىرى دەپ سانايمىن جانە ۇلتتىق قۇندىلىقتار, مادەني مۇرا, رۋحانيات باعىتىندا جۇرگىزىپ جاتقان «كۇي اناسى» رەسپۋبليكالىق قورىنىڭ جۇمىسىنا جاڭا باعىندىراتىن بەلەستەرگە باعىت جانە ۇلكەن قولداۋ دەپ تۇسىنەمىن.
بۇگىنگى تاڭدا ءبىزدىڭ قوردىڭ باستاماسىمەن ەلوردامىزدا استانا قالاسى اكىمشىلىگىنىڭ قولداۋىمەن دينا نۇرپەيىسوۆاعا, ۇلتتىق دومبىرامىزعا ارنالعان ەسكەرتكىشتەرى, «قازاقتىڭ 101 كۇيشىسى» زاماناۋي ەسكەرتكىش تاسى قويىلدى جانە «كۇيشىلەر مەن كومپوزيتورلار» اللەياسى اشىلدى. الداعى ۋاقىتتا «كرەاتيۆتى اشىق ساحنا» مەن «تۇركى حالىقتارىنىڭ ونەر ورتالىعى» جوبالارىن ىسكە اسىرۋدى جوسپارلاپ وتىرمىز.
تولەگەن قۋانىشەۆ,
«كۇي اناسى» رەسپۋبليكالىق
قورىنىڭ جەتەكشىسى, پروفەسسور
