استانا قالاسى اكىمدىگىنىڭ قولداۋىمەن «كوشباسشى ايەلدەر ورتالىعى» ايەلدەردىڭ ساياسي كوشباسشىلىعى مەكتەبىنىڭ العاشقى تۇلەكتەرى باس قوسىپ, ءبىتىرۋ كەشىن وتكىزدى. اتالمىش جوبا ەلىمىزدىڭ 14 وڭىرىندە جۇزەگە اسىرىلىپ جاتىر.
قوعامدا بيلىكتەگى ايەلدەردىڭ بەلسەندىگىن ارتتىرۋ, گەندەرلىك تەڭدىكتى قولداۋ ماقساتىندا اشىلعان مەكتەپ از ۋاقىتتىڭ ىشىندە بىرقاتار ناتيجەگە قول جەتكىزدى. بۇگىندە مەكتەپتىڭ 25 تۇلەگى مەملەكەتتىك باسقارۋ سالاسىندا مانساپ قۇرۋدى كوزدەپ وتىر.
«وقۋ كۋرستارىن اياقتاۋ تۋرالى سەرتيفيكاتتاردى بيزنەس, ءبىلىم بەرۋ, دەنساۋلىق ساقتاۋ جانە قۇقىقتانۋ سالاسىنىڭ وكىلدەرى الدى. ولار ساياساتكەرگە ءتان قابىلەتتەردى ارتتىرۋ بويىنشا بىلىكتىلىك كۋرستارىنان ءوتتى. ءبىزدىڭ تۇلەكتەردىڭ بولاشاعى تابىستى بولاتىنىنا سەنىمدىمىن» دەدى ەلوردالىق ايەلدەردىڭ ساياسي كوشباسشىلىعى مەكتەبىنىڭ ديرەكتورى ايگۇل راحىمجانوۆا.
ەستەرىڭىزگە سالا كەتەيىك, وقۋ جوباسىن ەلىمىزدەگى ەڭ ءىرى ۇكىمەتتىك ەمەس ۇيىم – «قازاقستاننىڭ ايەلدەرى كۇشتەرىنىڭ اليانسى» باستادى. ال بۇگىندە بولاشاق ساياساتكەرلەر ءۇشىن پراكتيكالىق ساباق, سەمينار مەن ترەنينگتەردى قر پارلامەنتى ءماجىلىسىنىڭ دەپۋتاتتارى, جەرگىلىكتى اتقارۋشى ورگانداردىڭ باسشىلارى, قازاقستاننىڭ ىسكەر ايەلدەر قاۋىمداستىعىنىڭ وكىلدەرى وتكىزەدى.
مەكتەپ تۇلەگى, ادۆوكات اجار احانوۆا ايەلدەردىڭ ساياسي كوشباسشىلىق مەكتەبىندە العان ءبىلىمى وعان جەكە برەندىن دامىتۋعا سەپتەسەدى دەيدى.
«مەن مەكتەپتەگى ساباقتارعا جازىلىپ, ءدارىس الدىم. سەبەبى ءوزىمنىڭ جاقسى بولاشاعىما ينۆەستيتسيا سالعىم كەلدى. قىزدارىما ۇلگى بولعىم كەلەدى. بۇل وقۋ ورنىندا شەشەندىك ونەر ساباعىنىڭ بەرەرى مول» دەپ اجار احانوۆا ءوز اسەرلەرىمەن ءبولىستى.
