قوعاممادەنيەت

كورنەكتى قايراتكەرگە قۇرمەت

استاناداعى قازاق ۇلتتىق ونەر ۋنيۆەرسيتەتىندە قازاقستان جانە قىرعىزستان رەسپۋبليكالارىنىڭ ەڭبەك سىڭىرگەن قايراتكەرى, كورنەكتى كومپوزيتور, بەلگىلى جازۋشى ءىليا جاقانوۆتىڭ 80 جىلدىق مەرەيتويىنا ارنالعان «دۇنيە, شىركىن…» دەپ اتالاتىن شىعارماشىلىق كەشى ءوتتى.

ايتۋلى ونەر كەشىنىڭ تاقىرىبى دا وزگەشە. «دۇنيە, شىركىن….» ءيا, بەس كۇندىك جالعاننىڭ جالعان ەكەندىگىن تىرلىكتە جەر باسىپ جۇرگەندە بىلە بەرمەيمىز. ءومىردىڭ بايانسىزدىعىن سەزىنە قويمايمىز. تەك جاقىنىمىز دۇنيەدەن وزىپ, قايعىدان قارا جا­مىلعاندا تىرلىكتىڭ تۇرلاۋسىزدىعىن تۇسىنەمىز. جالپى, ءومىر تۋرالى, ونىڭ اعىن سۋداي وتپەلى ەكەندىگى بۇرىنعى اۋزى دۋالى بابالارىمىز جەرىنە جەت­كىزە ايتىپ كەتكەن.
يگىلىكتى شارادا جازۋشىنىڭ جاڭا جارىق كورگەن كىتابى تۋرالى پاراساتتى اڭگىمەلەر كوپ ايتىلدى. بۇل تۋىندى ومىردەگى جاقىن دوسى, ونەردەگى رۋحاني جان دۇنيەسى جاراسقان, قازاقتىڭ ءبىرتۋار ازاماتى, تۇركولوگ-عالىم مىرزاتاي جولداسبەكوۆتىڭ كومپوزيتورلىق ونەرىنە ارنالعان.
حالىق قالاۋلىلارى قۋانىش سۇل­تانوۆ پەن جابال ەرعاليەۆ اتالعان كىتاپتىڭ تۇساۋىن كەستى. قر مادەنيەت جانە سپورت ءمينيسترىنىڭ ورىنباسارى عالىم احمەدياروۆ مەملەكەتتىك حاتشى گۇلشارا ابدىحالىقوۆانىڭ قۇتتىقتاۋ حاتىن وقىدى. قازاق ۇلتتىق ونەر ۋنيۆەرسيتەتىنىڭ رەكتورى ايمان مۇساقوجاەۆا كەش يەسىنە PhD دوكتورى اتاعىن بەردى. استانا قالاسى اكىمىنىڭ ورىنباسارى ەرمەك امانشاەۆ ەرەن تۇلعانىڭ ءومىرى مەن ونەرىنە كەڭىرەك توقتالا كەلىپ, قالالىق اكىمدىك استانا كۇنىنە وراي «قازاقستان» ورتالىق كونتسەرت زالىندا كومپوزيتوردىڭ شىعارماشىلىق كەشىن وتكىزۋدى جوسپارلاپ وتىرعانىن جەتكىزدى. ارداقتى ازاماتتىڭ يىعىنا شاپان جاپتى. ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى «كۇلتەگىن» مەدالىن تابىس ەتتى. قر پارلامەنت ءماجىلىسىنىڭ دەپۋتاتى ساۋىتبەك ابدراحمانوۆ ءىليا اعامىزدىڭ ونەر زەرتتەۋشىلىگى جايىندا ساليقالى ءسوز ءوربىتتى. سونداي-اق, كەشتە كورنەكتى كومپو­زيتوردىڭ اندەرى مەن رومانستارى ورىندالدى.

ازامات ەسەنجول

تاعىدا

ۇقساس جاڭالىقتار

پىكىر ۇستەۋ

Back to top button