كورنەكتى سۋرەتتەر كورمەسى
تاۋەلسىزدىك سارايىندا بەلگىلى فوتوسۋرەتشىلەر شۇكىر شاحايدىڭ «ەلى سۇيگەن, ەلىن سۇيگەن ەلباسى» جانە ۆلاديمير كۋريلوۆتىڭ «استانا – ەلباسىنىڭ ەرلىگى» اتتى كورمەلەرىن ۇيىمداستىرۋعا ارنالعان ءباسپاسوز كونفەرەنتسياسى ءوتتى. قوس كورمە قازاقستان رەسپۋبليكاسى تۇڭعىش پرەزيدەنتىنىڭ كۇنىنە ورايلاستىرىلىپ وتىر.
ءباسپاسوز كونفەرەنتسياسىندا ءسوز العان استانا قالاسى مادەنيەت باسقارماسى باستىعىنىڭ ورىنباسارى سامات تەرگەمباەۆ فوتوسۋرەتشىلەردىڭ ءار سۋرەتىندە ەلباسىنىڭ استاناعا دەگەن ماحابباتى, جۇرەگىنىڭ جىلۋى جانە كوزقاراسى بەينەلەنگەندىگىن اتاپ ءوتتى. ال, بەلگىلى سىقاقشى, «شالقار» راديوسىنىڭ باس رەداكتورى كوپەن امىربەك ءوزىنىڭ شاكىرتى شۇكىر شاحاي شىعارماشىلىعى جايىندا كەڭىنەن اڭگىمەلەپ بەردى.
ەلباسىنىڭ ومىرىنەن سىر شەرتەتىن ۆلاديمير كۋريلوۆتىڭ كورمەسى كەشە تاۋەلسىزدىك سارايىندا باستالىپ, 5 جەلتوقسانعا دەيىن جالعاسادى. ال, ش.شاحايدىڭ كورمەسى 27 قاراشا مەن 6 جەلتوقسان ارالىعىن قامتيدى. ءبىر ايتا كەتەرلىگى, ۆ.كۋريلوۆتىڭ جۇمىستارى استانادا العاش رەت جۇرتشىلىق نازارىنا ۇسىنىلىپ وتىر. قوس كورمەگە استانا قالاسىنىڭ دامۋ تاريحىنان سىر شەرتەتىن سۋرەتتەر جيىنتىعى قويىلادى.
حاميت ەربولاتۇلى