جاڭالىقتار

«كوشباسشى مەكتەپ» الەمدىك بيىكتەن كورىندى

IMG_7576ون بەس جىلدىق تاريحى بار قالامىزداعى №38 مەكتەپ-ليتسەي يسپانيالىق «Business Initiative Directions» (BID) حالىقارالىق ۇيىمىنىڭ ارنايى ينتەرنەت زەرتتەۋىنىڭ ناتيجەسىندە دۇنيە جۇزىندەگى ەڭ ۇزدىك مەكتەپ رەتىندە تانىلدى.

24 قاراشا كۇنى لوندون قالاسىندا ماراپاتتاۋلارىن وتكىزگەن اتالمىش كومپانيانىڭ ۇيعارىمى بويىنشا كەمبريدج ۋنيۆەرسيتەتىنىڭ تالابىنا ساي ۇستازدارى بار,  مىڭعا جۋىق قارىمدى دا قابىلەتتى تۇلەكتەردى ۇيادان ۇشىرعان, ونىڭ ىشىندە الەمنىڭ ون ءبىر مەملەكەتىندە الپىسقا جۋىق تۇلەگى وقيتىن, 35 «التىن بەلگى» جانە 46 «ەرەكشە ۇلگىدەگى اتتەستات» يەگەرلەرى مەن حالىقارالىق سايىستار جەڭىمپازدارىن تاربيەلەپ شىعارعان, 2001 جىلدان بۇگىنگە دەيىن  «ۇزدىك مەكتەپ», «كوش­باسشى مەكتەپ» سىندى اتالىمداردى اقتاپ كەلگەن ءبىلىم ورداسى بايقاۋدىڭ بارلىق كريتەريلەرىنە سايكەس كەلگەندىكتەن ولجالى ورالىپ وتىر.

ءومىرىنىڭ وتىز سەگىز جىل عۇمىرىن ءبىلىم سالاسىنا ارناعان مەكتەپ ديرەكتورى جامال بازارقۇلقىزىنىڭ ايتۋىنشا, جيىرما جىلدان بەرى ءار سالا بويىنشا ساپالى قىزمەتتى باقىلاپ, بولجايتىن BID تاۋەلسىز ۇيىمى بيىل دا 184 ەلدەن كەلگەن مامانداردىڭ 49-ىنا ارنايى گاۋھاردان, التىننان قۇيىلعان تاجدەردى تابىس ەتكەن. سونىڭ ءبىرى – استانالىق مەكتەپ يەلەنگەن «Quality Crown Award» اتتى ءبىلىم ساپاسىنىڭ التىن ءتاجى.

نۇرگۇل احانقىزى

 

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button