ءماسليحات

كوشەگە اتاۋ بەرۋ – كوپتىڭ ءىسى

ERA_1535

استانا قالاسى ءماسليحاتىنىڭ الەۋمەتتىك-مادەني دامۋ ماسەلەلەرى جونىندەگى تۇراقتى كوميسسيانىڭ كەزەكتى وتىرىسىندا قالاداعى كەيبىر كوشەلەرگە باسقا اتاۋلار بەرۋ جانە قايتا اتاۋ ماسەلەسى كەڭىنەن ءسوز بولدى.

وتىرىسقا قالاداعى ونوماس­تيكالىق كوميسسيانىڭ مۇشەلەرى, اۋدان اكىمدەرىنىڭ ورىنباسارلارى, ەلوردا اكىمدىگىنە قاراستى باسقارمالار مەن قوعامدىق ءبىر­لەستىكتەردىڭ وكىلدەرى قاتىستى.

قازاقستان رەسپۋبليكاسى ۇكىمەتىنىڭ «اكىمشىلىك-اۋماقتىق بىرلىكتەرگە, ەلدى مەكەندەردىڭ قۇرامداس بولىكتەرىنە اتاۋ بەرۋ, ولاردى قايتا اتاۋ, سونداي-اق, ولاردىڭ اتاۋلارىنىڭ ترانسكريپتسياسىن ناقتىلاۋ مەن وزگەرتۋ كەزىندە ءتيىستى اۋماق حالقىنىڭ پىكىرىن ەسكەرۋ قاعيدالارىن بەكىتۋ تۋرالى» 2014 جىلعى 24 اقپانداعى №138 قاۋلىسىنىڭ 4-تارماعىنا سايكەس, جەرگىلىكتى اتقارۋشى ورگاندار ءتيىستى اۋماق حالقىنىڭ پىكىرىن ەسكەرۋ ءۇشىن قالاداعى كوشەلەرگە اتاۋ بەرۋ جانە قايتا اتاۋعا قا­جەتتى ماتەريالداردى ءتيىستى ءماسلي­حاتتاردىڭ قاراۋىنا ەنگىزەدى. وسىنى ەسكەرە كەلە, تىلدەردى دامىتۋ باسقارماسىنىڭ باسشىسى ە.تىلەشوۆ قالالىق ونوماستيكا كوميسسياسىنا كەلىپ تۇسكەن ماتەريالداردى ءماسليحاتىنىڭ تۇراقتى كوميسسياسىنىڭ وتىرىسىنا ۇسىندى. ونىڭ ايتۋىنشا, 2013-2014 جىلدارى ەلوردانىڭ زيالى قاۋىم جانە جۇرتشىلىق وكىلدەرىنەن اتالمىش كوميسسياعا قالا كوشەلەرىنە اتاۋ بەرۋ تۋرالى 34 جانە كوشەلەردى قايتا اتاۋ تۋرالى 2 ۇسىنىس-حات كەلىپ تۇسكەن. وسىعان وراي, باسقارما باسشىسى الدىمەن قازاقستان رەسپۋبليكاسىنىڭ حالىق ءارتىسى حورلان قاليلامبەكوۆانىڭ الداعى ۋاقىتتا قالاداعى كوشەلەردىڭ بىرىنە ءازىربايجان مامبەتوۆتىڭ ەسىمىن بەرۋ تۋرالى وتىنگەنىن ەسكەرە كەلە, قازاقستاننىڭ حالىق ءارتىسى, رەجيسسەر, قوعام قايراتكەرىنە باس قالاداعى قىرقىنشى ستانسانىڭ جامبىل كوشەسى لايىق ەكەنىن, ويتكەنى, بۇل وسى ەلدىمەكەندەگى ەڭ ۇزىن كوشەلەردىڭ بىرىنەن سانالاتىنىن جەتكىزدى. ودان ءارى باسقارما باسشىسى جۇرتشىلىق استاناداعى كوشەلەرگە حالىق جازۋشىسى حاميت ەرعاليەۆتىڭ, الەم چەمپيونى, داڭقتى سپورتشى اناتولي حراپاتىيدىڭ, حالىق جازۋشىسى ساكەن ءجۇنىسوۆتىڭ, قازاقستاننىڭ حالىق ءارتىسى رابيعا ەسىمجانوۆانىڭ, ت.ب. ەسىمىن بەرۋدى ءوتىنىپ سۇراعانىن ايتتى. بۇل رەتتە دەپۋتاتتار م.ورالوۆ, ق.قۇلمۇقانوۆ, ف.كيم, ت.ورازاقوۆ, ۆ.پەترۋششاك, ن.مەششەرياكوۆ, م.شەكەنوۆ, س.احمەتوۆ پىكىر ءبىل­دىردى. ولاردىڭ قاي-قايسى دا كوشە اتاۋلارىن ەسىمى ەلگە ءمالىم اقىن-جازۋشىلاردىڭ, عالىمدار مەن مادەنيەت قايراتكەرلەرىنىڭ, ەلىمىزدى دامىتۋعا ۇلەس قوسقان تۇلعالاردىڭ, باتىرلاردىڭ اتتارىمەن وزگەرتۋگە ەش قارسى ەمەس ەكەندەرىن, تەك تۇر­عىن­داردىڭ وزدەرى تۇراتىن كوشە اتى­نا قاتىستى تاريحتان سول ادامنىڭ ەلگە سىڭىرگەن ەڭبەگى تۋرالى دەرەكتەردەن حاباردار بولۋى كەرەكتىگىن ەسكەرتتى. سونداي-اق, ءسوز العاندار قالاداعى كوشەلەرگە ادام اتتارىن بەرۋدەن ارىلىپ, قازاقستانداعى تاماشا جەر اتتارىن جاڭعىرتۋدى ۇسىندى. ماسەلەن, دەپۋتات ن.بوگاتىرەۆ بىلاي دەدى: «ەسكى كوشەلەردىڭ اتاۋى سول كۇيىندە قالسا قايتەدى؟ قانشا دەگەنمەن, بۇل – تاريح قوي. قالاداعى كوشە اتاۋلارىن جىل سايىن وزگەرتە بەرگەننەن نە تاپتىق؟ ارينە, استانا – كۇن ساناپ ءوسىپ كەلە جاتقان جاس قالا. سوندىقتان مۇندا جاڭا كوشەلەر, جاڭا شاعىن اۋدان پايدا بولۋدا. مەنىڭ پايىمداۋىمشا, جاڭا اتاۋدى سولارعا بەرۋىمىز كەرەك. ال, ەسكى اتاۋلارعا تيىسپەگەنىمىز ءجون».

ءماسليحات حاتشىسى دەپۋتات­تار­دىڭ ۇسىنىس-ەسكەرتپەلەرىن ەسكەرە كەلە, كوشە اتاۋلارىن وزگەرتۋ نەمەسە قايتا ات بەرۋ ماسەلەسىن ەگجەي-تەگجەيلى زەرتتەپ, كوپشىلىك تالقىسىنا سالىپ, وسىلايشا اقىل­داسىپ شەشكەن الدەقايدا دۇرىسىراق دەگەن پىكىر ءبىلدىردى.

– ءبىز اركەز ءوزىمىزدىڭ قاتارداعى قاراپايىم قالا ەمەس, ەلىمىزدىڭ جۇرەگى – استانادا تۇراتىنىمىزدى ەستەن شىعارماۋىمىز كەرەك. ال, باسقالار استاناعا قاراپ بوي تۇزەيدى. سوندىقتان, استانادا كوشە اتاۋلارىن كەلىسىپ شەشكەن ءجون, – دەدى س.ەسىلوۆ.

تاعىدا

admin

«استانا اقشامى» گازەتى

ۇقساس جاڭالىقتار

ءبىر پىكىر

پىكىر ۇستەۋ

Back to top button