ەكونوميكا

كۇن باتارەياسىن شىعاراتىن زاۋىت اشىلدى

يندۋستريالدىق-يننوۆاتسيالىق ەرەكشە جوبالاردىڭ ءبىرى استانادا دا تۇساۋىن كەستى. فوتوەلەكترلى مودۋلدەر شىعاراتىن زاۋىتتىڭ اشىلۋىنا ەلباسى نۇرسۇلتان نازارباەۆ قاتىستى. 

تمد تۇرماق, ورتا ازيا كو­لەمىندە جوق بۇل زاۋىت – «قاز­اتوم­ونەركاسىپ» ۇلتتىق كوم­پانياسىنىڭ ەنشىلەس كاسىپ­ورنى «Astana Solar» جشس-نىكى.

جوبانى ەرەكشە دەۋىمىزدىڭ وزىندىك سەبەبى بار. بۇگىندە الەم ەلدەرى كومىر, مۇناي, تابيعي گاز سەكىلدى بۇرىننان پايدالانىپ كەلگەن ەنەرگيا كوزدەرىنەن گورى كۇن, جەل ەنەرگياسىن پايدالانۋعا كوشتى. ۇنەمدىلىك جاعىنان دا, ەكولوگيالىق تازالىق جاعىنان دا پايداسى كوپ مۇنداي ەنەرگيا كوزىن قازاق ەلى دە قولدانىسقا ەنگىزىپ, كۇن نۇرىنان قۋات الاتىن باتارەيالار ءوندىرۋدى باستادى.

جاڭا نىسان تەحنيكالىق قاۋىپ­سىزدىك پەن ەكولوگيالىق تا­لاپ­تار­دىڭ بارلىعىنا ساي كەلەتىن زاما­ناۋي اۆتومات­تان­دى­رىلعان قۇرى­لعىلارمەن جاب­دىقتالعان.

جوبانىڭ جالپى قۇنى – 5 ميل­ليارد تەڭگە. شيكىزاتى – ءوزى­مىز­دەن. KazPV قازاقستاندىق كرەم­ني. ول وسكەمەندە تازار­تى­لادى. كۇن ساۋلەلەرىن وسى كرەم­ني باتا­رەيا­لارىنا باعىت­تاعان كەزدە ساۋلە وزگەرىپ, ەلەكتر ەنەر­گياسىنا اينالادى. كۇن باتا­رەيا­­لا­رى­نىڭ قاسيەتى دە وسىندا. ەلەكتر­لى پانەل­دىڭ 1 ۆاتى – 2 دول­لار تۇرادى. ياعني ءبىر ۇيگە شاما­مەن 3-4 مىڭ اقش دوللارى (قۇنى– مودۋلدىڭ ۆاتتىق قۋا­تىنا بايلانىستى) كولەمىندە كۇن تاقتاي­شاسىن ساتىپ الاسىز دا 20 جىلدان استام ۋاقىت جارىققا اقشا شىعىن­دامايسىز. ويتكەنى بۇل ەلەكتر تاقتايشاسىنىڭ جا­رام­دى­لىق مەرزىمى – 25 جىل. ارزان­قول دۇنيە ەمەس, ساپاسى مىق­تى. قازىر گەرمانيا جەل مەن سۋدىڭ جانە وسىنداي كۇننەن قۋات الا­تىن فوتو­ەلەكترلى مودۋلمەن حالقىنىڭ 28 پايىزىن جارىقپەن قامتىپ وتىر ەكەن. «ءبىز, 2020 جىلعا دەيىن ونى 3 پايىزعا جەتكىزسەك تە ۇلكەن جەتىس­تىك. باستىسى, بۇل پانەل شال­عاي اۋىلدارعا, جارىقتى كوپ تۇتى­ناتىن ءوندىرىس ورىندارىنا, اۋىل شارۋا­شىلىعى سالالارىنا پاي­داسى مول», دەيدى زاۋىتتىڭ باس ديرەك­تورىنىڭ ورىنباسارى جارقىن جانعازيەۆ.

جوبانىڭ قاۋقارلىعى سول, جىلىنا 217 مىڭ فوتوەلەكتر مودۋلدەرىن وندىرۋگە جەتەدى. ماماندارى دا وسال ەمەس كورى­نەدى. دەنى شەت مەملەكەتتەن بىلىكتىلىگىن جەتىلدىرىپ كەلگەن, تەح­نيكانىڭ ءتىلىن مەڭگەرگەن جوعارى ءبىلىمدى ازاماتتار. زاۋىت جۇمىس­شىلارىنىڭ ايلىعى 1 مىڭ دوللاردان كەم تۇسپەيدى ەكەن.

زاۋىت ماماندارىمەن اڭگى­مەلەس­كەن ەلباسى: «بۇل – ەكو­لوگيالىق تازا ەنەرگياعا با­عىتتالعان ەڭ وزىق كاسىپورىن. ءبىز بولاشاقتى «جاسىل» ەكونوميكامەن بايلانىستىرامىز. سول سەبەپتى, 2017 جىلى استانادا وتەتىن EXPO كورمەسىنىڭ تاقىرىبى وسىلاي اتالادى», – دەپ اتاپ كورسەتتى.

ءوندىرىس ورنىنىڭ العاشقى ءونىمى دە شىعىپ ۇلگەرىپتى. مەملەكەت باسشىسى وسى تۇڭعىش فو­تو­ەلەكترلى پانەلدىڭ بەتىنە قولتاڭباسىن قالدىردى.

قىمبات توقتامۇرات

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button