باستى اقپاراتجاڭالىقتار

كۇنى-ءتۇنى ءبىر تىنباي…

استانادا كەشە جاۋعان جاۋىن-شاشىن مولشەرى ءبىر ايداعى نورمانىڭ جارتىسىنان اسىپ كەتتى.
جاۋىن سالدارىنان كوشەنىڭ جەكەلەگەن ۋچاسكەلەرىن سۋ باستى. بارلىق قالالىق كوممۋنالدىق قىزمەتتەر كۇشەيتىلگەن رەجيمدە جۇمىس ىستەۋ تارتىبىنە كوشتى دەپ حابارلايدى astana.gov.kz.
استانا اكىمى اسەت يسەكەشەۆ كوشەلەردى سۋ باسۋدىڭ سالدارىن جويۋ بويىنشا كەڭەس وتكىزىپ, بارلىق كۇشتەردى جۇمىلدىرۋدى تاپسىردى. كوممۋنالدىق كاسىپورىنداردان باسقا, جول تازارتۋ جۇمىستارىنا اۋداندىق اكىمدىكتەردىڭ مەردىگەرلىك ۇيىمدارى, استانا قالاسى توتەنشە جاعدايلار دەپارتامەنتىنىڭ تەحنيكالارى جۇمىلدىرىلدى.

KBB_6150

استانادا جارتى تاۋلىك بويى جاۋعان جاۋىن-شاشىن مولشەرى 17 مم قۇرادى. قالا بويىنشا 79 اۆتوكولىك جۇمىس ىستەدى. ال تۇندە ساعات ەكىدەن كەيىن جاۋىن-شاشىننىڭ كۇشەيۋىنە بايلانىستى قوسىمشا تەحنيكالىق قۇرالدار ىسكە قوسىلدى. اتاپ ايتقاندا, 2 جىلجىمالى سورعى ستانساسى, 7 موتوپومپا, 21 سورعى, 16 مامانداندىرىلعان اۆتوماشينا. تاڭعى ساعات بەسكە قاراي جاۋىن سالدارى جويىلدى. تولاسسىز جاۋعان جاڭبىردان كەيىن تاڭعى ساعات 7-دەن اسا ب.مومىشۇلى, تۇران داڭعىلدارىن, م-3 كوپىرىن جانە تاعى باسقا جەرلەردى سۋ باستى. قالا اۋداندارى بويىنشا 105 اۆتوماشينا, 11 موتوپومپا, 4 تراكتور ءتيىستى جۇمىستارعا تارتىلدى. كۇندىزگى ەكىگە قاراي جاڭبىردىڭ سالدارى تولىعىمەن جويىلدى. سينوپتيكتەردىڭ بولجامىنشا, ماۋسىمنىڭ سوڭىنا دەيىن كۇن جاڭبىرلى بولادى. شىلدە ايىنىڭ العاشقى ون كۇنى دە جاۋىن-شاشىندى بولادى دەپ كۇتىلۋدە.
ايتا كەتەيىك, استانادا قالالىق نوسەرلى كارىز جۇيەسىن دامىتۋ بويىنشا كەشەندى شارالار قولدانىلىپ جاتىر. قازىرگى كەزدە № 31 جانە № 27 تازارتۋ قۇرىلىستارى ىسكە قوسىلدى, جىل سوڭىنا دەيىن سۋ اعىزاتىن كوللەكتور پايدالانۋعا بەرىلەدى. سول جاعالاۋدى سۋ استىندا قالۋ ماسەلەسى جىل سوڭىنا دەيىن شەشىمىن تاپپاق. جالپى, قالا بويىنشا تۇراقتى سۋ بۇرۋ جۇيەلەرى ەكى جىلدىڭ ىشىندە قامتاماسىز ەتىلمەك.

تاعىدا

ۇقساس جاڭالىقتار

پىكىر ۇستەۋ

Back to top button