مادەنيەت

ليۋكسەمبۋرگتە كۇي كۇمبىرلەدى

20 ناۋرىزدا ناۋرىز مەرەكەسىنە وراي ­ليۋكسەمبۋرگ ەلىندە ەركەعالي راحماديەۆ اتىنداعى مەملەكەتتىك اكادەميالىق فيلارمونياسى «سارىرارقا» حالىق مۋزىكا ءانسامبلىنىڭ كونتسەرتى ءوتتى.

استانا قالاسى اكىمدىگىنىڭ ەركەعالي راحماديەۆ اتىنداعى مەملەكەتتىك اكادەميالىق فيلارمونياسىنىڭ «سارىارقا» حالىق مۋزىكا ءانسامبلى ليۋكسەمبۋرگ ەلىندە وسىناۋ ناۋرىز مەيرامىنا ارنالعان ۇلكەن كونتسەرت وتكىزەدى. كەش اياسىندا قۇرمانعازىنىڭ «اداي», «بالبىراۋىن», «قۋانىش», تاتتىمبەتتىڭ «سارجايلاۋ»,  داۋلەتكەرەيدىڭ «كوروعلى», سۇگىردىڭ «بوزىنگەن», قايراقبايدىڭ «ورەلى كەر», شال مىر­زانىڭ «تاشاۋىز», ەسپايدىڭ «تەرىسقاقپاي», اسەت دانەنوۆ­تىڭ «كوڭىل كوكتەمى», سەرىك ەركىنبەكوۆتىڭ «شولپى»,  قاراگوز گاسيموۆانىڭ «اڭىز دالا», بادەن ايسىننىڭ «ناۋ­رىز», توعجان ءجاحيننىڭ «سارىن», ەرجان توقسابانوۆتىڭ «ورتەكە» سىندى كۇيلەرى مەن شوقتىعى بيىك شىعارمالارى ورىندالىپ, حالىق اندەرى «سارى بيداي», «سامالتاۋ», «جورعاتاي», «قاراتورعاي», يسا بايزاقوۆتىڭ «جەلدىرمە», باكىر تاجىباەۆتىڭ «اقبۇلاق», كەنەن ازىرباەۆتىڭ «جاسا قازاقستانىم» سياقتى تاعى باسقا تاڭداۋلى اندەر شىر­قالدى. كەشكە مادەنيەت سالاسىنىڭ ۇزدىگى قاراگوز ­گاسيموۆا, حالىقارالىق جانە رەسپۋبليكالىق بايقاۋلاردىڭ لاۋرەاتتارى جاقسىگەلدى مايا­ساروۆ, ومار رايحان, ادىلەت سەيتقۇلوۆ, وزگەرىس شەرىكباي, ەرجان توقسابانوۆ, «شالقىما» حالىق بي ءانسامبلى قاتىستى.  «سارىارقا» حالىق مۋزىكا ءانسامبلىنىڭ كوركەمدىك جەتەكشىسى – مادەنيەت سالاسىنىڭ ۇزدىگى توعجان جاحين.

اتا-بابا اماناتىن ارقالاعان انسامبل وسىلايشا ۇلتتىق ونەرىمىزدىڭ ءورىسىن كەڭەيتىپ, ەۋروپانىڭ تورىندە ۇلىقتاپ قايتتى. ۇلتتىق مۋزىكانى دارىپتەپ ءجۇر. ۇلتتىق ساز اسپاپتارىنىڭ سيقىرلى داۋىسى, شەبەر ورىنداۋى, كەلىستى ۇلتتىق كوستيۋمدەر مەن كەرەمەت حالىق اندەرى مەن كۇمبىرلەگەن كۇيلەر شەتەلدىكتەردى تامسانتتى, تاڭداي قاققىزدى, تىڭ سەرپىلىس تۋعىزدى. ۇلتتىق مادەنيەتتىڭ باعا جەتپەس جادىگەرى, بوياۋى تۇنىق, سىر­لى, سيقىرلى الەم – ۇلىق ونەرىمىز بەن ءداستۇرىمىزدىڭ عۇمىرى ۇزاق بولعاي!

تاعىدا

گۇلشات ساپارقىزى

«استانا اقشامى» گازەتىنىڭ ءتىلشىسى, اقپارات سالاسىنىڭ ۇزدىگى

ۇقساس جاڭالىقتار

پىكىر ۇستەۋ

Back to top button