جاڭالىقتار

ماحامبەتتىڭ كۇي مۇراسى

«استانا» كونتسەرت زالىندا ەلوردالىق فيلارمونيا قازاق وركەسترىنىڭ جاڭا ححIII كونتسەرتتىك ماۋسىمى اقىن, باتىر, كۇيشى ماحامبەت وتەمىسۇلىنىڭ 215 جىلدىعىنا ارنالعان «قايران, نارىن» كۇي كەشىمەن اشىلدى.

قارۋ مەن قالامعا قوسا دومبىرانى ومىرىنە سەرىك ەتكەن ماحامبەتتىڭ وسى كۇندەرى وننان استام كۇيى بەلگىلى. ونىڭ كۇيشىلىگىنە العاش رەت اكادەميك احمەت جۇبانوۆ نازار اۋداردى. كەيىننەن تمات مەرعاليەۆ, قارشىعا احمەدياروۆ كۇيلەرىنىڭ ەرەكشەلىكتەرىنە ءۇڭىلىپ, ناسيحاتتادى. جاڭا عاسىر باسىندا, باتىردىڭ 200 جىلدىعى قارساڭىندا قازاقستاننىڭ ەڭبەك سىڭىرگەن قايراتكەرى ايتقالي جايىموۆ پەن «دارىن» مەملەكەتتىك جاستار سىيلىعىنىڭ يەگەرى ەركىن نۇرىمبەتوۆ كۇيلەرىن وركەسترگە وڭدەپ ءتۇسىردى.
ءار كۇيدىڭ ءوزىنىڭ شىعۋ تاريحى بار. ماسەلەن, «قيىل قىرعىنى» كۇيى 1838 جىلى يساتاي مەن ماحامبەتتىڭ ورىنبور گۋبەرناتورى, پولكوۆنيك گەككە باستاعان, وعان بارىپ قوسىلعان بايماعامبەت سۇلتان اسكەرىمەن شايقاسى سيپاتتالادى. سول سياقتى «قايران, نارىن», «شىلتەرلى تەرەزە», «جايىق اسۋ», «جورىقتا», «يساتايدىڭ اقتابانى-اي», «جۇمىر قىلىش», «وكىنىش», «ارىسىمنان ايى­رىلدىم», «مەن, مەن ەدىم, مەن ەدىم» كۇيلەرى ءارتۇرلى كوڭىل كۇيگە جەتەلەيدى.
قۇرمانعازىنىڭ «كىشكەنتاي» كۇيى دە يساتاي مەن ماحامبەت كوتەرىلىسىنە ارنالعانى بەلگىلى. ايگىلى كۇيشى, كوم­پوزيتور, ديريجەر نۇرعيسا تىلەنديەۆتىڭ تىڭ­داعان ادام­عا رۋح بەرەتىن «ماحامبەت» اتتى اتاقتى شىعارماسى دا بار. كەشتە ماحامبەتتىڭ كۇي­لەرىمەن قاتار جوعارىدا اتالعان تۋىندىلار جانە قازاق وركەسترىنىڭ كوركەمدىك جەتەكشىسى – باس ديريجەرى ايتقالي جايىموۆتىڭ «ەرەۋىل اتقا ەر سالماي», وركەستر ديريجەرى, قازاقستاننىڭ مادەنيەت قايراتكەرى نۇرلان بەكەنوۆتىڭ «قىزعىش قۇس» كۇيلەرى توگىلدى. ماحامبەتتىڭ ومىرىنەن كورىنىستەر قويىلدى. سونىڭ ىشىندە قۇرمانعازىعا باتا بەرۋى اسەرلى شىقتى.

تاعىدا

ۇقساس جاڭالىقتار

پىكىر ۇستەۋ

Back to top button